జిమ్ ముర్రే విస్కీ బైబిల్ 2025-26 ఎడిషన్ లో చోటు దక్కించుకున్న ఇండియన్ బ్రాండ్ !
జిమ్ ముర్రే విస్కీ బైబిల్ 2025-26 ఎడిషన్ ప్రతిష్టాత్మక జాబితాను విడుదల చేసింది. ప్రపంచవ్యాప్తంగా విస్కీల నాణ్యత, రుచి, తయారీ ప్రమాణాల ఆధారంగా ర్యాంకులు ఇస్తుంది. ఈసారి అమెరికా, స్కాట్లాండ్తో పాటు భారత్కు చెందిన విస్కీలు కూడా ప్రత్యేక గుర్తింపు పొందాయి. ఈ ఏడాది వరల్డ్ విస్కీ ఆఫ్ ది ఇయర్ అవార్డు అమెరికాకు చెందిన ఫుల్ ప్రూఫ్ 1972 బౌర్బన్కు దక్కింది. దీని ప్రత్యేకమైన రుచులు, పాతబడి ఉన్న పరిపక్వత కారణంగా ఈ గౌరవం లభించినట్లు నిపుణులు పేర్కొన్నారు. టాప్ సింగిల్ మాల్ట్ స్కాచ్ విస్కీల విభాగంలో గ్లెన్ గ్రాంట్, రెడ్బ్రెస్ట్ వంటి ప్రసిద్ధ బ్రాండ్లతో పాటు భారతీయ బ్రాండ్ పాల్ జాన్ చోటు దక్కించుకోవడం విశేషం. ఇది అంతర్జాతీయ స్థాయిలో భారతీయ విస్కీలకు పెరుగుతున్న ఆదరణకు నిదర్శనంగా భావిస్తున్నారు. అదే సమయంలో కర్ణాటకకు చెందిన అమృత్ డిస్టిలరీస్ తయారు చేసిన ఎక్స్పెడిషన్ (15 ఏళ్ల సింగిల్ మాల్ట్) ప్రపంచంలోని అత్యుత్తమ విస్కీల జాబితాలో మూడో స్థానం సాధించింది. అత్యంత పరిమిత సంఖ్యలో తయారు చేసిన ఈ విస్కీ ధర సుమారు రూ.10 లక్షలుగా ఉండటం గమనార్హం. దీని తయారీ విధానం, ఏళ్ల తరబడి చేసిన పరిపక్వ ప్రక్రియ ఈ స్థాయి గుర్తింపుకు కారణమయ్యాయని విశ్లేషకులు చెబుతున్నారు.
