జొమాటో ఇన్స్టంట్ బ్యాలెన్స్ ఫీచర్ ?
జొమాటో కొత్త ఫీచర్ను ఆవిష్కరించింది. కస్టమర్ల కోసం జొమాటో ఇప్పుడు ఆర్డర్ల కోసం క్యాష్ పేమెంట్స్ కూడా అనుమతిస్తుంది. దీనిపై కంపెనీ సీఈఓ దీపిందర్ గోయల్ మాట్లాడుతూ భవిష్యత్తులో ఉపయోగానికి కస్టమర్ జొమాటో మనీ అకౌంట్కు తక్షణమే బ్యాలెన్స్ మొత్తాన్ని క్రెడిట్ చేసే అవకాశం ఉందని అన్నారు. “క్యాష్ ఆన్ డెలివరీ ఆర్డర్ల కోసం కచ్చితమైన మార్పును కనుగొనడం కొన్నిసార్లు అసౌకర్యంగా ఉంటుంది. ఈ రోజు నుంచి మా కస్టమర్లు డెలివరీ పార్టనర్లకు క్యాష్ రూపంలో చెల్లించవచ్చు. బ్యాలెన్స్ మొత్తాన్ని వారి జొమాటో మనీ అకౌంటుకు తక్షణమే యాడ్ చేయమని అడగవచ్చు. ఈ బ్యాలెన్స్ భవిష్యత్తులో డెలివరీ సమయంలో ఆర్డర్లు లేదా డైనింగ్ అవుట్ కోసం ఉపయోగించవచ్చు” అని గోయల్ అన్నారు. నగదు లావాదేవీల సమయంలో ఎదురయ్యే సమస్యను పరిష్కరించడానికి ఈ కొత్త ఫీచర్ రూపొందించింది. జొమాటో మనీ అకౌంట్ బ్యాలెన్స్ మొత్తాన్ని నేరుగా క్రెడిట్ చేయడం ద్వారా ప్లాట్ఫారమ్ కస్టమర్లకు అవాంతరాలను నివారిస్తుంది. ఈ క్రెడిట్ మొత్తాన్ని రాబోయే ఏదైనా డెలివరీ ఆర్డర్లు లేదా డైనింగ్ ఎక్స్పీరియన్స్ కోసం ఉపయోగించుకోవచ్చు. ఈ ఫీచర్ ఒక ముఖ్యమైన ముందడుగు అయినప్పటికీ, జొమాటో బ్యాలెన్స్ అమౌంట్ వినియోగానికి కాల పరిమితిని విధిస్తుందో లేదో చూడాలి. రానున్న కాలంలో దీనిపై ఫుల్ క్లారిటీ వస్తుంది.
