75 రోజులు బ్యాటరీ బ్యాకప్ తో ట్యాంక్ 3 ఫోన్ !

యునిహెర్ట్జ్ అనే చైనీస్ కంపెనీ ట్యాంక్ 3 పేరుతో ఓ ఫోన్‌ను తీసుకొచ్చింది. గత ఏడాది నవంబర్‌లో కంపెనీ ఈ ప్రత్యేకమైన ఫోన్‌ను మార్కెట్ లోకి రిలీజ్ చేసింది. 16 జీబీ, 512 జీబీ స్టోరేజ్‌తో కంపెనీ ఈ ఫోన్‌ను ప్రవేశపెట్టింది. మైక్రో SD కార్డ్ ద్వారా దీని స్టోరేజిని 2TB వరకు విస్తరించవచ్చు లేదా ఎక్స్ పాండ్ చేయవచ్చు. ప్రపంచవ్యాప్తంగా, ఈ ఫోన్ ధర 499.99 డాలర్లు (రూ. 41375)గా ఉంచబడింది. చైనాలో ఇది 4,699 యువాన్లకు అందించబడుతోంది. ఈ ఫోన్‌లో MediaTek Dimensity 8200 చిప్ ఉంది. ఈ ఫోన్ ఆండ్రాయిడ్ 13 ఆధారంగా పని చేస్తుంది. ఫోన్ 6.79 అంగుళాల FHD+, 2460 x 1080 పిక్సెల్‌లు కలిగి ఉంది. ఇది 120Hz డిస్‌ప్లే తో వస్తుంది. సెల్ఫీల కోసం 50 మెగాపిక్సెల్ కెమెరాను కలిగి ఉంది. ఫోన్ వెనుక భాగంలో ట్రిపుల్ కెమెరా సిస్టమ్ ఉంది, ఇందులో 200-మెగాపిక్సెల్ ప్రైమరీ సెన్సార్, 50-మెగాపిక్సెల్ అల్ట్రావైడ్ యూనిట్, 64 మెగాపిక్సెల్ నైట్ విజన్ షూటర్ ఉన్నాయి. 23,800mAh బ్యాటరీని కలిగి ఉంది.. ఇది 120W ఫాస్ట్ ఛార్జింగ్‌తో వస్తుంది. బ్యాటరీకి సంబంధించి.. కేవలం 90 నిమిషాల్లో 90% వరకు ఛార్జ్ చేయవచ్చంట. ఈ ఫోన్ 1800 గంటల (75 రోజులు) బ్యాటరీ బ్యాకప్‌తో వస్తుందని కంపెనీ తెలిపింది. ఇది 118 గంటల కాల్ టైమ్, 98 గంటల మ్యూజిక్ ప్లేబ్యాక్ టైమ్, 48 గంటల వీడియో ప్లేబ్యాక్, 38 గంటల గేమింగ్ బ్యాకప్‌తో వస్తుంది. దుమ్ము- నీటి నుండి రక్షించడానికి ఈ ఫోన్ IP68-రేటింగ్ పొందుతుంది. ఇందులో 40 మీటర్ల లేజర్ రేంజ్ ఫైండర్, ఇన్‌ఫ్రారెడ్ సెన్సార్ ఉన్నాయి. ఇది కాకుండా, సైడ్ బటన్, ఫింగర్ ప్రింట్ సెన్సార్ వంటి సౌకర్యాలు కూడా ఇందులో అందించబడ్డాయి. అయితే ప్రస్తుతం ఈ ఫోన్ మన దేశంలోొ అమ్మకానికి లేదు.