చిన్నారుల కోసం ఇన్‌బిల్ట్‌ కెమెరాతో స్మార్ట్‌వాచ్‌ !

ఐఎంఓ వాచ్‌ ఫోన్‌ 27 పేరుతో చిన్నారుల కోసం ప్రత్యేకంగా ఓ స్మార్ట్ వాచ్‌ను తీసుకొచ్చింది. ఈ వాచ్‌లో చిన్నారుల భద్రత, ఆరోగ్యానికి సంబంధించి ఎన్నో రకాల ఫీచర్లతో 1.3 ఇంచెస్‌తో కూడిన డిస్‌ప్లేను అందించారు. ఏఐ ఇంటెలిజెంట్‌ మోడ్‌ వంటి అధునాతన ఫీచర్‌ను ఇందులో ప్రత్యేకంగా ఇచ్చారు. చిన్నారుల ఆరోగ్యానికి సంబంధించి వారి శరీర ఉష్ణోగ్రత, హృదయ స్పందన రేటు ట్రాకింగ్‌ వంటి హెల్త్‌ ఫీచర్లను అందించారు. అలాగే ఇందులో ఫ్యామిలీ చాట్, యాడ్ ఫ్రెండ్స్, ఎమోషన్ రికగ్నిషన్, హార్ట్ రేట్, బాడీ టెంపరేచర్, బ్లడ్ ఆక్సిజన్ వంటి ఫీచర్లను సైతం ఇచ్చారు. ఈ వాచ్‌లో ప్రత్యేకంగా ఇన్‌బిల్ట్‌ కెమెరాను అందించారు. 2 మెగాపిక్సెల్ ఫ్రంట్‌, 5 మెగాపిక్సెల్స్‌ బ్యాక్‌ కెమెరాను అందించారు. ఇందులో 4జీబీ ఇంటర్నల్‌ స్టోరేజీని అందించారు. 4G, వైఫై కనెక్టివిటీ ఇందులో ఇచ్చారు. అలాగే IPX8 రేట్ వాటర్‌ రెసిస్టెంట్ అందించారు. 740 ఎమ్‌ఏహెచ్‌ బ్యాటరీ ఈ వాచ్‌ సొంతం. 100 గంటల వరకు బ్యాకప్‌ ఉంటుంది. ధర రూ. 14,990గా నిర్ణయించారు