ホーム / telangana /

హైదరాబాద్‌లోని ఓయో హోటల్‌లో విశాఖ యువతి అనుమానాస్పద మృతి : ప్రియుడిపై హత్య అనుమానం

Tuesday, September 22, 2026

Andhra Pradesh Boyfriend Suspected of Murder crime Madhapur Siddhiqui Nagar Suspicious Death of Visakhapatnam Woman at Hyderabad OYO Hotel telangana

t f B! P L

హైదరాబాద్‌లోని మాదాపూర్‌ సిద్ధిఖీ నగర్‌లోని ఓ ఓయో హోటల్‌లో యువతి అనుమానాస్పద స్థితిలో మృతి చెందడం కలకలం రేపింది. మృతురాలిని విశాఖపట్నానికి చెందిన షారోన్ నిఖిత టోప్నోగా పోలీసులు గుర్తించారు లభించిన ప్రాథమిక ఆధారాల ప్రకారం ఇది హత్య అయి ఉండొచ్చని అనుమానిస్తున్న పోలీసులు దర్యాప్తును వేగవంతం చేశారు. పోలీసులు తెలిపిన వివరాల ప్రకారం షారోన్ నిఖిత తన ప్రియుడు శ్రీనివాస రవి తేజతో కలిసి నిన్న మధ్యాహ్నం హైదరాబాద్‌కు చేరుకుంది. ఆ తర్వాత ఓయో యాప్ ద్వారా మాదాపూర్ సిద్ధిఖీ నగర్ రోడ్డు నంబర్ 5లోని 'హోటల్ OSLN టెర్మినస్'లో 303వ నంబర్ గదిని ఇద్దరూ అద్దెకు తీసుకున్నారు. అయితే తెల్లవారుజామున సుమారు ఒంటిగంట సమయంలో కొండాపూర్‌లోని ఓ ప్రైవేట్ ఆసుపత్రి నుంచి మహిళ మృతి చెందినట్లు మాదాపూర్ పోలీసులకు సమాచారం అందింది. షారోన్ నిఖితను ఆమె ప్రియుడు శ్రీనివాస రవి తేజ, హోటల్ సిబ్బందితో కలిసి అత్యవసర చికిత్స నిమిత్తం ఆసుపత్రికి తీసుకువచ్చినట్లు వైద్యులు తెలిపారు. అయితే ఆమెను ఆసుపత్రికి తీసుకువచ్చే సమయానికే మృతి చెందినట్లు డాక్టర్లు నిర్ధారించారు. మృతురాలి ముఖం, తలపై తీవ్రమైన గాయాలు, వాపులు ఉండటంతో అనుమానాలు బలపడ్డాయి. యువతి మృతి చెందిన విషయం తెలిసిన వెంటనే, ఆసుపత్రికి వచ్చిన శ్రీనివాస రవి తేజ అక్కడి సిబ్బంది కంటపడకుండా పరారైనట్లు పోలీసులు వెల్లడించారు. దీంతో అతడిపై పోలీసులకు మరింత అనుమానం కలిగింది. ఘటనా స్థలమైన హోటల్‌లోని 303వ నంబర్ గదిని పరిశీలించిన పోలీసులకు గోడలపై, బెడ్‌షీట్‌పై రక్తపు మరకలు కనిపించాయి. వెంటనే క్లూస్ టీమ్‌ను రప్పించి అక్కడి నుంచి కీలక ఆధారాలను సేకరించారు. ప్రాథమిక ఆధారాల ప్రకారం శ్రీనివాస రవి తేజే యువతిపై దాడి చేసి హత్య చేసి ఉంటాడని పోలీసులు అనుమానిస్తున్నారు. పోస్టుమార్టం నివేదిక వస్తేనే మరణానికి అసలు కారణాలు స్పష్టమవుతాయని అధికారులు పేర్కొన్నారు. మృతదేహాన్ని పోస్టుమార్టం కొరకు ఉస్మానియా ఆసుపత్రికి తరలించారు. ఈ ఘటనపై కేసు నమోదు చేసుకున్న మాదాపూర్ పోలీసులు, పరారీలో ఉన్న నిందితుడు శ్రీనివాస రవి తేజ కోసం గాలింపు చర్యలు ముమ్మరం చేశారు. హోటల్‌లోని సీసీటీవీ ఫుటేజ్‌ను పరిశీలిస్తూ దర్యాప్తు కొనసాగిస్తున్నారు.

Random Post

    Total Pageviews

    Search This Blog

    AsSencse 2

    About Us

    AP TO TG COMPUTER TECH

    ver-1

    1

    Contact Form

    No Thumbnail

    LATEST NEWS AP TO TG
    LATEST NEWS AP TO TG

    #Tech

    LATEST NEWS AP TO TG

    Tech

    #Smartphone

    LATEST NEWS AP TO TG

    Smartphone

    Categories

    Main Tags

    Translate

    #Advertisement

    Featured Posts

    {getFeatured} $label={recent} $region={Andhra Pradesh}

    #Advertisement

    8/related/default

    QooQ