అల్లూరి సీతారామరాజు అంతర్జాతీయ విమానాశ్రయాన్ని జాతికి అంకితం చేసిన ప్రధానమంత్రి నరేంద్ర మోడీ

ప్రధానమంత్రి నరేంద్ర మోడీ  భోగాపురం అల్లూరి సీతారామరాజు అంతర్జాతీయ విమానాశ్రయాన్ని జాతికి అంకితం చేశారు. కూటమి ప్రభుత్వం అత్యంత ప్రాధాన్యంతో అంతర్జాతీయ ప్రమాణాలు, అత్యాధునిక సాంకేతికతతో దీనిని అభివృద్ధి చేసింది. 3.8 కిలోమీటర్ల రన్‌వేలు, ఆధునిక ప్రయాణికుల టెర్మినల్, ప్రత్యేక కార్గో టెర్మినల్, అత్యాధునిక ఏటీసీ టవర్ ఈ ఎయిర్‌పోర్ట్ ప్రత్యేకతలు. సముద్రతీర ప్రాంతానికి అనుగుణంగా 'ఎగిరే చేప' ఆకృతిలో రూపుదిద్దిన ఈ విమానాశ్రయంలో ఏటికొప్పాక బొమ్మలు, తోలుబొమ్మలాట, బొబ్బిలి వీణ వంటి ఆంధ్ర సంస్కృతిని ప్రతిబింబించే అలంకరణలు ఆకట్టుకుంటాయి. ప్రారంభోత్సవానికి సుమారు 3 లక్షల మంది హాజరవుతారని అంచనా వేస్తుండగా, 13,750 మంది గిరిజన మహిళలు ధింసా నృత్యంతో ప్రధానికి స్వాగతం పలకనున్నారు. ఈ విమానాశ్రయం ద్వారా పర్యాటకం, పారిశ్రామిక రంగాలకు ఊతమిచ్చి వేల మందికి ప్రత్యక్ష, లక్షల మందికి పరోక్ష ఉపాధి అవకాశాలు ఏర్పడనున్నాయి.