బ్రెజిల్లోని విన్హెడోలో 62 మందితో ప్రయాణిస్తున్న విమానం కూలిపోయింది. స్థానిక మీడియా సంస్థలు ఈఘటన వార్తను శుక్రవారం వెల్లడించాయి. విమానంలో గాల్లోనే కుప్పకూలిపోతున్న దృశ్యాలకు సంబంధించిన వీడియో కూడా వైరల్ అవుతోంది. ఈ దుర్ఘటనలో మొత్తం ఫ్లైట్ లో ప్రయాణిస్తున్న 62మంది మరణించినట్లుగా తెలుస్తోంది. బ్రెజిలియన్ ప్రాంతీయ విమానయాన సంస్థ VOEPASS సావో పాలో రాష్ట్రంలోని విన్హెడో ప్రాంతంలో ఫ్లైట్ 2283-PS-VPB ప్రమాదానికి గురైంది.విమానం కాస్కావెల్ నుండి గ్వారుల్హోస్ విమానాశ్రయానికి వెళ్లే మార్గంలో నేలపై కుప్పకూలింది. ఈ ప్రమాదంలో 58 మంది ప్రయాణికులతో పాటు 4 మంది సిబ్బంది ఉన్నారు.వీరంతా మరణించినట్లుగా తెలుస్తోంది. విమానం ఆకాశం నుంచి నేలపైకి పడిపోతున్న దృశ్యాలను కెమెరాలో బంధించడంతో ఆ వీడియో ఇప్పుడు సోషల్ మీడియాలో చక్కర్లు కొడుతోంది.విమానం చెట్ల సమూహంలోకి పడిపోతున్నట్లు కనిపించింది.దాని తర్వాత పెద్ద ఎత్తున నల్లటి పొగలు కన్పించాయి.
ليست هناك تعليقات:
إرسال تعليق