మెటా 'మ్యూజ్' పర్సనల్ ఏఐ ఏజెంట్‌తో ఇంటిగ్రేషన్‌ను తీసుకొచ్చిన స్పాటిఫై -LATEST NEWS AP TO TG

మెటా 'మ్యూజ్' పర్సనల్ ఏఐ ఏజెంట్‌తో స్పాటిఫై ఇంటిగ్రేషన్‌ను తీసుకొచ్చింది. ఈ కొత్త కాంబినేషన్‌తో యూజర్లు స్పాటిఫైలో పాటలు, పాడ్‌కాస్ట్‌లు, ఆడియోబుక్స్‌ను కేవలం ఏఐతో మాట్లాడటం ద్వారా కంట్రోల్ చేసుకోవచ్చు. మెటా మ్యూజ్‌ను స్పాటిఫైతో కనెక్ట్ చేసిన తర్వాత మ్యూజిక్ ప్లేబ్యాక్ మరింత సులభంగా మారుతుంది. యూజర్లు తమకు కావాల్సిన పాటను వెతకడం, ప్లే చేయడం, క్యూలో పెట్టడం, నచ్చిన ట్రాక్‌ను సేవ్ చేయడం వంటి పనులను మ్యూజ్ ఏఐ ఏజెంట్ ద్వారా చేయించుకోవచ్చు. అంతేకాదు.. కొత్త ప్లేలిస్ట్‌ను క్రియేట్ చేయాలన్నా, ఇప్పటికే ఉన్న ప్లేలిస్ట్‌లో కొత్త పాటలను యాడ్ చేయాలన్నా ఏఐతో మాట్లాడితే సరిపోతుంది. యూజర్ కోరుకున్న పాటల ఆధారంగా ప్లేలిస్ట్‌ను తయారు చేయడంతో పాటు, దానికి సరిపోయే పేరును కూడా ఏఐ ఏజెంట్ సూచించగలదు. ఈ ఇంటిగ్రేషన్‌లో స్పాటిఫై 'పర్సనల్ పాడ్‌కాస్ట్' ఫీచర్ కూడా ప్రత్యేకంగా ఆకట్టుకుంటోంది. రోజువారీ సమాచారం, ముఖ్యమైన విషయాలు లేదా నోట్స్‌ను మ్యూజ్ ఏఐ ఏజెంట్ ఆడియో రూపంలోకి మార్చగలదు. తయారైన ఆడియో నేరుగా యూజర్ స్పాటిఫై లైబ్రరీలో 'పర్సనల్ పాడ్‌కాస్ట్'గా సేవ్ అవుతుంది. దీంతో ఖాళీ సమయం దొరికినప్పుడు వాటిని పాడ్‌కాస్ట్‌లా వినొచ్చు. మ్యూజ్ కేవలం పాటలు ప్లే చేసే ఏఐ ఏజెంట్‌గానే కాకుండా యూజర్ రోజువారీ షెడ్యూల్‌కు అనుగుణంగా ఆడియోను ప్లే చేసేలా పనిచేయనుంది. ఉదాహరణకు ఉదయం 7 గంటలకు రన్నింగ్‌కు వెళ్లే అలవాటు ఉంటే, ఆ సమయంలో రన్నింగ్ ప్లేలిస్ట్ ఆటోమేటిక్‌గా ప్లే అయ్యేలా సెట్ చేసుకోవచ్చు. అదే విధంగా ఆఫీస్ వర్క్ సమయంలో ఫోకస్ పెంచే మ్యూజిక్ కావాలంటే, క్యాలెండర్ షెడ్యూల్ ఆధారంగా సంబంధిత ప్లేలిస్ట్‌ను ఆటోమేటిక్‌గా ప్రారంభించేలా ఏర్పాటు చేసుకోవచ్చు. లాంగ్ డ్రైవ్‌లు, రోడ్ ట్రిప్‌ల కోసం కూడా మ్యూజ్‌లో ప్రత్యేక సదుపాయం ఉంటుంది. యూజర్ తాను వెళ్లాల్సిన డెస్టినేషన్‌ను ఏఐ ఏజెంట్‌కు చెబితే, ఆ ప్రయాణానికి సరిపోయే మ్యూజిక్‌తో ప్రత్యేక ప్లేలిస్ట్‌ను క్రియేట్ చేయగలదు. అంతేకాదు.. ట్రిప్ ప్రారంభమయ్యే సమయాన్ని బట్టి ఆ ప్లేలిస్ట్ ఆటోమేటిక్‌గా ప్లే అయ్యేలా ముందుగానే షెడ్యూల్ కూడా చేసుకోవచ్చు. దీంతో డ్రైవ్ మొదలైన వెంటనే మ్యూజిక్ కోసం విడిగా సెర్చ్ చేయాల్సిన అవసరం ఉండదు. స్పాటిఫై, మెటా మ్యూజ్ ఇంటిగ్రేషన్‌తో యూజర్లకు మరింత పర్సనలైజ్డ్ ఆడియో అనుభవాన్ని అందించడంపై ఫోకస్ చేస్తున్నాయి. భవిష్యత్‌లో ఈ కాంబినేషన్‌లో మరిన్ని ఏఐ ఫీచర్లను తీసుకురావడానికి ప్లాన్ చేస్తున్నట్లు స్పాటిఫై తెలిపింది.

మెటా 'మ్యూజ్' పర్సనల్ ఏఐ ఏజెంట్‌తో ఇంటిగ్రేషన్‌ను తీసుకొచ్చిన స్పాటిఫై

ليست هناك تعليقات:

إرسال تعليق

Advertisement

Contact Us

Random Post

الإبلاغ عن إساءة الاستخدام

إجمالي مرات مشاهدة الصفحة

Configure Archive

بحث هذه المدونة الإلكترونية

AsSencse 2

About Us

ver-1

1

Footer Menu Widget

Follow Us

About Me

نموذج الاتصال

No Thumbnail

#Tech

#Smartphone

Categories

Main Tags

Translate

#Advertisement

Most Popular

'పేదలకు పట్టాభిషేకం' కార్యక్రమాన్ని ప్రతిష్టాత్మకంగా నిర్వహించిన రాష్ట్ర ప్రభుత్వం

How to Play flipkart Snakes & Ladders Game?

టాటా సన్స్‌ ఛైర్మన్‌గా మూడోసారి చంద్రశేఖరన్

వాట్సాప్ లో 'సీక్రెట్ కోడ్'

లావా బోల్డ్ ఎన్4 ప్రో 5జీ విడుదల : సెప్టెంబర్ 26 నుంచి అమెజాన్’ ద్వారా అమ్మకాలు ప్రారంభం

గ్లోబల్ ఈవెంట్ లో జూన్ 16న C40 స్మార్ట్ ఫోన్ లాంచ్

Featured Posts

#Advertisement

Featured Post

అంతరిక్షంలో గూగుల్ ఏఐ డేటా సెంటర్లు : సన్‌క్యాచర్ పేరుతో ప్రయోగాలు

Tech News $ Scince latest

Ads

8888