ホーム / VIJAYAWADA /

'పేదలకు పట్టాభిషేకం' కార్యక్రమాన్ని లాంఛనంగా ప్రారంభించిన సీఎం చంద్రబాబు

الأربعاء، 30 سبتمبر 2026

800 crore Andhra Pradesh CM Chandrababu Formally Launches 'Pedalaku Pattabhishekam' Program granting full ownership rights over 617 acres of land—valued at a staggering ₹9 VIJAYAWADA

t f B! P L

ఆంధ్రప్రదేశ్ ముఖ్యమంత్రి చంద్రబాబు బుధవారం విజయవాడలో 'పేదలకు పట్టాభిషేకం' కార్యక్రమాన్ని లాంఛనంగా ప్రారంభించారు. ఇందులో భాగంగా విజయవాడ పరిధిలో 24,057 నిరుపేద కుటుంబాలకు ఏకంగా రూ.9,800 కోట్ల విలువైన 617 ఎకరాల భూమిపై సంపూర్ణ యాజమాన్య హక్కులు కల్పించే ప్రక్రియకు శ్రీకారం చుట్టారు. నిరుపేద కుటుంబాల సొంతింటి కలను నిజం చేసే దిశగా రాష్ట్రవ్యాప్తంగా విశాఖపట్నం, మంగళగిరి, విజయవాడ ప్రాంతాల్లో మొత్తం 60 వేల కుటుంబాలకు శాశ్వత ఇళ్ల పట్టాలు అందిస్తామని ముఖ్యమంత్రి స్పష్టం చేశారు. ఈ మూడు ప్రాంతాల్లో పేదల కోసం కేటాయించిన దాదాపు 707 ఎకరాల (34 లక్షల చదరపు గజాల) భూమి అంచనా విలువ సుమారు రూ.52 వేల కోట్లుగా ఉంటుంది. తాజా నిర్ణయంతో ఎన్టీఆర్, కృష్ణా జిల్లాల పరిధిలోని ఎనిమిది నియోజకవర్గాలు, 15 మండలాలకు చెందిన నిరుపేదలకు భవిష్యత్తులో లబ్ధి చేకూరనుండగా.. దశాబ్దాలుగా ఉన్న పేదల నివాసాల సమస్యకు శాశ్వత పరిష్కారం లభించనుంది. కొండ ప్రాంతాల్లో ఇళ్లు నిర్మించుకున్న వారి చిరకాల స్వప్నం ఈ పట్టాలతో నెరవేరింది. ఉమ్మడి ఆంధ్రప్రదేశ్‌లో మాజీ సీఎం ఎన్టీ రామారావు హయాంలో ఇచ్చిన ఇళ్ల పట్టాలను ప్రస్తుత ప్రభుత్వం చట్టబద్ధంగా క్రమబద్ధీకరించింది. దీనిద్వారా విజయవాడలో ఒక్కో కుటుంబానికి సుమారు రూ.40 లక్షల నుంచి రూ.45 లక్షల విలువైన ఆస్తి లభిస్తోంది. భవిష్యత్తు అవసరాల కోసం ఈ ఆస్తులపై బ్యాంకుల ద్వారా రుణాలు పొందే వెసులుబాటు కూడా కలుగుతుంది. తాజా లబ్ధిదారుల్లో అత్యధికంగా 12,093 బీసీ కుటుంబాలు ఉండగా.. 6,130 ఓసీ, 4,546 ఎస్సీ, 955 ముస్లిం బీసీ, 333 ఎస్టీ కుటుంబాలు ఉన్నాయి. కులమతాలకు అతీతంగా అర్హతే ప్రామాణికంగా ప్రభుత్వం పట్టాలు మంజూరు చేసింది. పేదల ఆత్మగౌరవాన్ని నిలబెట్టేందుకే తమ ప్రభుత్వం ఈ బృహత్తర కార్యక్రమాన్ని చేపట్టిందని ముఖ్యమంత్రి స్పష్టం చేశారు. భూ వివాదాలను శాశ్వతంగా నివారించేందుకు ప్రభుత్వం రాష్ట్రవ్యాప్తంగా భూముల రీ-సర్వే పూర్తి చేసింది. ఆస్తులపై పూర్తి భద్రత కల్పించే లక్ష్యంతో రాష్ట్ర ప్రభుత్వ అధికారిక చిహ్నంతో కూడిన సరికొత్త పాస్‌బుక్‌లను లబ్ధిదారులకు జారీ చేస్తున్నారు. పారదర్శక విధానం ద్వారా ఎలాంటి వివాదాలకు తావులేకుండా ఈ ప్రక్రియను దిగ్విజయంగా పూర్తి చేసినట్లు అధికారులు వెల్లడించారు.

Random Post

    إجمالي مرات مشاهدة الصفحة

    بحث هذه المدونة الإلكترونية

    نموذج الاتصال

    No Thumbnail

    LATEST NEWS AP TO TG
    LATEST NEWS AP TO TG

    #Tech

    LATEST NEWS AP TO TG

    Tech

    #Smartphone

    LATEST NEWS AP TO TG

    Smartphone

    Categories

    Main Tags

    Translate

    Featured Posts

    {getFeatured} $label={recent} $region={Andhra Pradesh}

    #Advertisement

    8/related/default

    QooQ