హైదరాబాద్లోని గుడిమల్కాపూర్ పోలీస్ స్టేషన్ పరిధిలో ఉన్న మొగల్ ఖానాల వద్ద ఆదివారం భారీ అగ్నిప్రమాదం సంభవించింది. ఇక్కడి ఒక ఫర్నిచర్ గోదాంలో మంటలు చెలరేగడంతో స్థానికులు తీవ్ర భయాందోళనకు గురయ్యారు. గోదాంలో చెక్క, ప్లాస్టిక్ సామాగ్రి ఎక్కువగా ఉండటంతో మంటలు వేగంగా పక్కకు వ్యాపించాయి. ప్రాంతమంతా దట్టమైన నల్లటి పొగలు కమ్ముకున్నాయి. సమాచారం అందుకున్న వెంటనే అగ్నిమాపక సిబ్బంది పలు ఫైర్ ఇంజన్లతో ఘటనా స్థలానికి చేరుకుని మంటలను అదుపు చేసేందుకు తీవ్రంగా శ్రమిస్తున్నారు. ఈ ప్రమాదంలో గోదాంలో ఉన్న విలువైన ఫర్నిచర్ పూర్తిగా కాలిబూడిదైందని, పెద్ద ఎత్తున ఆస్తి నష్టం జరిగి ఉండవచ్చని అధికారులు భావిస్తున్నారు. ప్రమాదానికి షార్ట్ సర్క్యూట్ కారణమా లేక వేరే ఏదైనా వ్యాపించిందా అనే కోణంలో పోలీసులు కేసు నమోదు చేసుకుని దర్యాప్తు చేయనున్నారు.
ليست هناك تعليقات:
إرسال تعليق