కర్ణాటక రాష్ట్ర మంత్రివర్గంలో కొత్తగా 20 మంది మంత్రులకు చోటు కల్పించారు. లోక్భవన్లో జరిగిన అధికారిక కార్యక్రమంలో నూతన మంత్రులు ప్రమాణస్వీకారం చేశారు. అంతకుముందు 13 మంది మంత్రులతో ప్రభుత్వం అధికారం చేపట్టగా, తాజాగా చేపట్టిన ఈ విస్తరణతో క్యాబినెట్ మంత్రుల మొత్తం సంఖ్య 33కు చేరుకుంది. ప్రాంతీయ సమతుల్యత మరియు సామాజిక సమీకరణాలను పరిగణనలోకి తీసుకుని ఈ విస్తరణ ప్రక్రియను పూర్తి చేశారు. పాలనా వ్యవహారాలలో వేగం పెంచడంతో పాటు ప్రభుత్వం చేపట్టిన సంక్షేమ పథకాలు, హామీలను ప్రజల్లోకి సమర్థవంతంగా తీసుకెళ్లడమే లక్ష్యంగా ఈ మంత్రివర్గ కూర్పు సాగింది. పదవులు రాలేదని ఆందోళన చెందాల్సిన అవసరం లేదని, రాజకీయాల్లో సహనం చాలా ముఖ్యమని డి.కె. శివకుమార్ సూచించారు. “ఒకప్పుడు సిద్ధరామయ్య క్యాబినెట్ ప్రారంభంలో నాకూ చోటు దక్కలేదు. కానీ ఓపికగా వేచి చూసిన తర్వాత నాకు మంత్రిగా అవకాశం వచ్చింది కదా” అని తన రాజకీయ అనుభవాన్ని గుర్తుచేసుకున్నారు. పార్టీ కోసం నిబద్ధతతో పనిచేసే ప్రతి నాయకుడికి భవిష్యత్తులో కచ్చితంగా తగిన గుర్తింపు, అవకాశం వస్తాయని స్పష్టం చేస్తూ అసంతృప్త నేతలకు భరోసానిచ్చారు.
ليست هناك تعليقات:
إرسال تعليق