టీమిండియా స్టార్ ఆల్రౌండర్ హార్దిక్ పాండ్యా తన ప్రియురాలు, ప్రముఖ మోడల్ మహీకా శర్మను రహస్యంగా వివాహం చేసుకున్నారంటూ సోషల్ మీడియాలో పెద్ద ఎత్తున ప్రచారం జరుగుతోంది. మహీకా శర్మ పాపిట సిందూరంతో ఉన్న ఒక ఫొటో ఇంటర్నెట్లో వైరల్ కావడమే ఈ ఊహాగానాలకు ప్రధాన కారణమైంది. సోషల్ మీడియాలో చక్కర్లు కొడుతున్న ఈ ఫొటోలో హార్దిక్ పాండ్యా, మహీకా శర్మ పక్కపక్కనే నిల్చుని ఉన్నారు. వారి చేతులను ఒక వృద్ధురాలు పట్టుకుని ఉండగా, మహీకా పాపిటలో సిందూరం స్పష్టంగా కనిపిస్తోంది. ఈ ఫొటో బయటకు రావడంతో వీరిద్దరూ ఎవరికీ తెలియకుండా పెళ్లి చేసుకున్నారని, అందుకే మహీకా సంప్రదాయబద్ధంగా సిందూరం ధరించిందని పలువురు నెటిజన్లు కామెంట్లు పెడుతున్నారు. కొద్ది గంటల్లోనే ఈ ఫొటో వైరల్ కావడంతో హార్దిక్ పెళ్లి వార్త హాట్ టాపిక్గా మారింది. అయితే, ఈ వైరల్ వార్తల్లో ఎంతమాత్రం నిజం లేదని తెలుస్తోంది. వారి వివాహం జరిగినట్లు ఎలాంటి అధికారిక సమాచారం లేదు. ఈ ప్రచారంపై హార్దిక్ పాండ్యా గానీ, మహీకా శర్మ గానీ ఇప్పటివరకు స్పందించలేదు. కేవలం ఒక ఫోటోను ఆధారం చేసుకుని వస్తున్న ఈ వార్తలను నమ్మలేమని పలువురు అభిప్రాయపడుతున్నారు. గత ఏడాది కాలంగా తమ రిలేషన్షిప్ గురించి బహిరంగంగానే ఉంటూ వస్తున్న ఈ జంట, నిజంగా పెళ్లి చేసుకుంటే ఆ విషయాన్ని కచ్చితంగా అభిమానులతో పంచుకునే వారని నెటిజన్లు భావిస్తున్నారు. బహుశా ఏదైనా ప్రైవేట్ ట్రిప్లో భాగంగా వారు కలిసిన వృద్ధురాలితో ఈ ఫొటో తీసుకుని ఉండవచ్చని కూడా వాదనలు వినిపిస్తున్నాయి.
ليست هناك تعليقات:
إرسال تعليق