దక్షిణ ఫిలిప్పీన్స్ ద్వీపమైన మిండానో తీరంలో 7.8 తీవ్రతతో భారీ భూకంపం సంభవించిందని అధికారులు తెలిపారు. ఆ తర్వాత అధికారులు సునామీ హెచ్చరికలు జారీ చేశారు. తీర ప్రాంతాల్లోని ప్రజలను ఎత్తైన ప్రదేశాలకు తరలి వెళ్లాలని హెచ్చరించారు. దీంతో తీర ప్రాంతాల ప్రజలు సురక్షిత ప్రాంతాలకు తరలివెళ్లారు. భూకంప తీవ్రత రిక్టర్ స్కేలుపై 8.2గా ఉందని జర్మన్ రీసెర్చ్ సెంటర్ ఫర్ జియోసైన్సెస్ తొలుత పేర్కొంది. ఆ తర్వాత భూకంప తీవ్రత 7.8గా నమోదైనట్టుగా సవరించింది. ఈ భూకంపం 10 కిలోమీటర్ల (6.2 మైళ్ల) లోతులో సంభవించిందని తెలిపింది. ఫిలిప్పీన్స్ నగరమైన జనరల్ శాంటోస్కు నైరుతి దిశగా 8 మైళ్ల దూరంలో భూకంప కేంద్రం ఉన్నట్లు పేర్కొంది. ఇదిలాఉంటే, ప్రస్తుతం ప్రకంపనలు ఇంకా కొనసాగుతున్నాయని జనరల్ శాంటోస్ విపత్తు కార్యాలయం తెలిపింది. ఈ భూకంపం దాటికి పలు నగరాల్లోని భవనాలు దెబ్బతిన్నాయి. ముఖ్యంగా జనరల్ శాంటోస్ నగరంపై భూకంప ప్రభావం అధికంగా కనిపిస్తోంది. కొన్నిచోట్ల బిల్డింగ్లు కూలిపోవడం, మరికొన్ని చోట్ల ఇళ్లలోని వస్తువులు కిందపడి దెబ్బతినడం జరిగాయి. దీంతో భారీగా ఆస్తి నష్టం కూడా చోటుచేసుకుంది. భూకంపం కారణంగా కనీసం ముగ్గురు మరణించారని, నలుగురు గాయపడ్డారని ఫిలిప్పీన్ పోలీసులు సోమవారం తెలిపారు. అయితే మృతుల సంఖ్య ఎక్కువగా ఉండే అవకాశం ఉందని నివేదికలు సూచిస్తున్నాయి. కొన్ని ప్రాంతాల్లో కూలిన భవనాల శిథిలాల కింద పలువురు చిక్కుకుని ఉంటారని అనుమానిస్తున్నారు. ప్రస్తుతం భూకంప ప్రభావిత ప్రాంతాల్లో సహాయక చర్యలు కొనసాగుతున్నాయి. భూకంప కేంద్రానికి సమీపంలో ఉన్న ఫిలిప్పీన్స్లోని సరంగాని ప్రావిన్స్లో విద్యుత్, టెలికమ్యూనికేషన్లు నిలిచిపోయాయి. భూకంపం నేపథ్యంలో పాఠశాల తరగతులను నిలిపివేసి, సెలవు ప్రకటించారు. నష్ట అంచనా కొనసాగుతోందని, అయితే ఇప్పటివరకు ఏ భవనాలు కూలిపోయినట్లు నివేదికలు రాలేదని అధికారులు తెలిపారు. ఫిలిప్పీన్స్లోని భూకంప ప్రభావిత ప్రాంతాల్లో విపత్తు సహాయక చర్యలు కొనసాగుతున్నాయి విపత్తు సహాయక చర్యలను సమన్వయం చేయడానికి అధికారులు వేగంగా చర్యలు తీసుకుంటున్నారని ఫిలిప్పీన్స్ అధ్యక్షుడు ఫెర్డినాండ్ మార్కోస్ జూనియర్ తెలిపారు.
ليست هناك تعليقات:
إرسال تعليق