దేశీయ మార్కెట్లో మోస్ట్ పాపులర్ వ్యాన్ అయిన మారుతి సుజుకి ఈకో ఇప్పుడు ఒక కొత్త స్టైలిష్ లుక్తో వచ్చింది. మారుతి సుజుకి కంపెనీ ఈ కారు కోసం స్పెషల్ గా 'స్టార్ ఎడిషన్' అనే కొత్త యాక్సెసరీ ప్యాకేజీని రిలీజ్ చేసింది. దీనివల్ల బడ్జెట్ ధరలోనే కారుకి ఒక ప్రీమియం, మోడ్రన్ ఫీల్ వస్తుంది. సాధారణంగా వ్యాన్ అంటే కేవలం లోడ్ కోసం లేదా ట్రాన్స్పోర్ట్ కోసం అనే ఇమేజ్ను మారుస్తూ, ఈ స్టార్ ఎడిషన్ ద్వారా ఒక పర్సనల్ కార్ లాంటి లుక్ను కంపెనీ ఆఫర్ చేస్తోంది. ఈ స్టార్ ఎడిషన్ ప్యాకేజీ ప్రైసింగ్ విషయంలో మారుతి సుజుకి కస్టమర్లకు ఒక మంచి డీల్ ఇచ్చింది. నిజానికి ఈ ప్యాకేజీ ఒరిజినల్ కాస్ట్ రూ. 37,000 ఉండగా, ఇప్పుడు కంపెనీ దాన్ని భారీగా తగ్గించి కేవలం రూ. 19,999 కే ఆఫర్ చేస్తోంది. ఇది ఒక ఆప్షనల్ యాక్సెసరీ కిట్, అంటే కొత్త కారు కొనేటప్పుడు మీరు కావాలనుకుంటే డీలర్ వద్ద దీన్ని ఫిట్ చేయించుకోవచ్చు. ఈ స్పెషల్ ఆఫర్ ముఖ్యంగా ఈకో లోని 5-సీటర్ ఏసీ , 5-సీటర్ ఏసీ సిఎన్జి వేరియంట్స్ కొనేవారికి అందుబాటులో ఉంది. ఈ ప్రైస్ కారు ఎక్స్-షోరూమ్ ధర కంటే అదనంగా ఉంటుంది. ఈ స్టార్ ఎడిషన్ ప్యాకేజీలో మొత్తం 18 రకాల యాక్సెసరీస్ వస్తాయి, ఇవి కారు లుక్ను పూర్తిగా మార్చేస్తాయి. ఎక్స్టీరియర్ పరంగా చూస్తే, కారు వెనుక వైపు రియర్ స్పాయిలర్, గార్నిష్తో కూడిన ఫాగ్ ల్యాంప్స్, కొత్త వీల్ కవర్లు, డోర్ వైజర్లు , క్రోమ్ ఫినిషింగ్ లాంటివి మెయిన్ హైలైట్స్. కారు బంపర్లు కూడా బాడీ కలర్ లో ఉండి మంచి స్టైల్ ఇస్తాయి. ఇక ఇంటీరియర్ విషయానికి వస్తే, కారు లోపల ఒక ఇంటీరియర్ స్టైలింగ్ కిట్ , క్వాలిటీ సీట్ కవర్లు లభిస్తాయి. దీనివల్ల కారు లోపల కూర్చున్నప్పుడు చాలా కంఫర్టబుల్ , కొత్తగా అనిపిస్తుంది. ఈకోలో ఇప్పుడు 6 ఎయిర్బ్యాగ్స్, ఏబీఎస్ విత్ ఈబీడీ, రివర్స్ పార్కింగ్ సెన్సార్లు, ఎలక్ట్రానిక్ స్టెబిలిటీ ప్రోగ్రామ్ వంటి సేఫ్టీ ఫీచర్లు స్టాండర్డ్గా వస్తున్నాయి. ఇంజిన్ పర్ఫార్మెన్స్ గురించి చెప్పాలంటే, ఇందులో ఉన్న 1.2 లీటర్ డ్యూయల్ జెట్ పెట్రోల్ ఇంజిన్ పెట్రోల్ మీద 80 BHP పవర్ ఇస్తుంది. ఇది E20 ఫ్యూయల్ తో కూడా నడుస్తుంది. సేల్స్ పరంగా ఈకో ఇండియాలో ఒక ఛాంపియన్ అని చెప్పాలి; ఏప్రిల్ 2026లో ఏకంగా 13,087 యూనిట్లు అమ్ముడయ్యాయి. టోటల్ ప్రైస్ విషయానికి వస్తే, బేస్ మోడల్ రూ. 5.18 లక్షల నుండి ప్రారంభమవుతుంది, ఈ స్టార్ ఎడిషన్ కిట్ కూడా కలిపితే ఎంట్రీ లెవల్ ప్రైస్ సుమారు రూ. 5.21 లక్షల నుండి స్టార్ట్ అవుతుంది.
ليست هناك تعليقات:
إرسال تعليق