ఆంధ్రప్రదేశ్ లోని కర్నూలు జిల్లాకు చెందిన కరీం అనే రైతు పండించిన ఉల్లికి సరైన ధర లేకపోవడంతో, దళారుల చేతిలో మోసపోకుండా ఇలా వినూత్నంగా ఆలోచించారు. తన ట్రక్కు నిండా ఉల్లిపాయలను లోడ్ చేసుకుని, నేరుగా వినియోగదారుల వద్దకే వెళ్లి గంట వ్యవధిలోనే మొత్తం సరుకును అమ్మేశారు. కరీం ఆదివారం ఉదయం తన ట్రక్కు నిండా ఉల్లిపాయలను లోడ్ చేసుకుని పొదలకూరు వచ్చారు. అక్కడ కిలో ఉల్లి ధర రూ.40 ఉండగా, తాను రూ.15కే ఇస్తానని బోర్డు పెట్టారు. దీంతో జనాలు కూడా ఎగబడి కొనుగోలు చేశారు. గంట వ్యవధిలో ట్రక్కులోని మొత్తం సరుకు అమ్ముడుపోయింది. మార్కెట్లో దళారులు చెప్పే ధర కంటే ఎక్కువ లాభం వచ్చిందని కరీం సంతోషం వ్యక్తం చేశారు. సాధారణంగా మార్కెట్లో ఉల్లి ధరలు పడిపోయినప్పుడు రైతులు తీవ్రంగా నష్టపోతుంటారు. దళారులు తక్కువ ధరకు కొనుగోలు చేసి, ఎక్కువ లాభాలకు అమ్ముకుంటారు. ఈసారి అలా జరగకూడదని కరీం నిర్ణయించుకున్నారు. తన సొంత వాహనంలో ఒక సహాయకుడితో కలిసి, ఎక్కువ డిమాండ్ ఉన్న ప్రాంతాలకు వెళ్లి నేరుగా వినియోగదారులకే అమ్మాలని ప్రణాళిక రచించారు. ఈ పద్ధతి ద్వారా రైతులు నేరుగా వినియోగదారులకు అమ్మితే, మధ్యవర్తుల బెడద తగ్గి, రైతులకు మంచి ఆదాయం వస్తుందని ఆయన అభిప్రాయపడ్డారు.
ليست هناك تعليقات:
إرسال تعليق