తగ్గుతున్న భూభ్రమణం వేగం ?

భూమి తన చూట్టూ తాను తిరుగుతూ సూర్యుని చుట్టు కూడా తిరుగుతుంది. అందుకే భూమిపై పగలు, చీకటి ఏర్పడతాయి. అయితే వాతావరణ మార్పుల ప్రభావం కారణంగా ధ్రువాల వద్ద మంచు కరుగుతోంది. దీనివల్ల భూమి భ్రమణం మందగిస్తున్నట్లు కొత్త పరిశోధనలు చెబుతున్నాయి. ఇలా భూమి తన చుట్టూ తాను తిరగడం నెమ్మదించడం వల్ల రోజు నిడివి పెరుగుతుంది. నేషనల్ అకాడమీ ఆఫ్ సైన్సెస్ )ప్రొసీడింగ్స్‌లో పబ్లిష్‌ అయిన స్టడీ, గ్రీన్‌ల్యాండ్, అంటార్కిటికాలో కరుగుతున్న మంచు కొండలు ఈ మార్పును ఎలా ప్రభావితం చేస్తున్నాయో వివరిస్తుంది. ధ్రువ ప్రాంతాల్లో మంచు కరిగినప్పుడు, అది మహాసముద్రాల్లోకి ప్రవహిస్తుంది. ముఖ్యంగా భూమధ్యరేఖకు సమీపంలో చేరుతుంది. ఈ నీటి కదలిక భూమి భ్రమణంపై డ్రాగ్ ఎఫెక్ట్‌ కలిగిస్తుంది. నీటి ద్రవ్యరాశి ధ్రువాల నుంచి దూరంగా కదులుతున్నప్పుడు, భౌతిక జడత్వం కారణంగా భూమి భ్రమణం మందగిస్తుంది. భౌతిక శాస్త్రంలో కన్జర్వేషన్‌ ఆఫ్‌ యాంగులర్‌ మొమెంటం అనే రూల్‌ దీన్ని వివరిస్తుంది. ఇది, ఎక్స్‌టర్నల్‌ టార్క్ లేకపోతే మొత్తం సిస్టమ్ యాంగులర్‌ మొమెంటం స్థిరంగా ఉంటుందని పేర్కొంది. భూమి భ్రమణం మందగించడంతో మన రోజు సమయం పెరుగుతుంది. రోజు నిడివి కాస్త పెరగడం వల్ల పెద్ద మార్పు కనిపించకపోవచ్చు. కానీ క్రమంగా ఈ మార్పులు పెరిగితే, తేడా స్పష్టంగా తెలుస్తుంది. భూమి పరిపూర్ణ గోళం కాదు. ఇది ఒక 'చతురస్రాకార గోళాకారం'. అంటే ఇది భూమధ్యరేఖ చుట్టూ సత్సుమా లాగానే కొద్దిగా ఉబ్బినట్లు ఉంటుంది. టెక్టోనిక్ ప్లేట్ కదలికలు, రోజువారీ అలలు, భూకంపాలు, అగ్నిపర్వత కార్యకలాపాలు వంటి వివిధ కారకాలు ఈ ఆకారాన్ని నిరంతరం మారుస్తాయి. భూభ్రమణ వేగం తగ్గితే, ఈ ఆకారాలు దెబ్బతినే అవకాశం ఉంది. భూమిపై ఒక రోజు 24 గంటలు, అంటే 86,400 సెకన్లు ఉంటుంది. ఈ వ్యవధి చంద్రుని ద్వారా ప్రభావితమవుతుంది. చంద్రుని గురుత్వాకర్షణ శక్తి, టైడల్ బ్రేకింగ్ అనే ప్రక్రియ ద్వారా భూమి భ్రమణాన్ని తగ్గిస్తుంది. ఇది మన రోజులను ప్రతి శతాబ్దానికి 2.3 మిల్లీసెకన్ల వరకు పొడిగిస్తుంది. చంద్రుడు క్రమంగా భూమి నుంచి దూరంగా కదులుతున్నప్పుడు, అది భూమి భ్రమణాన్ని మరింత నెమ్మదిగా చేస్తుంది. ఇది దాదాపు 200 మిలియన్ సంవత్సరాలలో 25 గంటల రోజును తీసుకొస్తుంది. చంద్రుడు సహజంగా భూమి భ్రమణాన్ని ప్రభావితం చేస్తున్న నేపథ్యంలో, దీనికి అదనంగా వాతావరణ మార్పు పెద్ద ప్రభావాన్ని చూపుతుందని పరిశోధకులు భావిస్తున్నారు. 1900 నుంచి వాతావరణ మార్పుల కారణంగా రోజులు ఇప్పటికే దాదాపు 0.8 మిల్లీసెకన్లు పెరిగాయి. 2100 నాటికి, అధిక ఉద్గారాలు కొనసాగితే, రోజులు మరో 2.2 మిల్లీసెకన్లు పెరిగే అవకాశం ఉంది. రోజు నిడివిలో ఈ స్వల్ప పెరుగుదల ప్రజలకు కనిపించకపోవచ్చు. కానీ ఇది అంతరిక్షం, ఎర్త్‌ నావిగేషన్‌పై ఎక్కువ ప్రభావాలు చూపుతుంది. ఉదాహరణకు, వాయేజర్ వంటి సుదూర అంతరిక్ష నౌకతో కమ్యూనికేట్ చేయడానికి అంతరిక్షంలో భూమి పొజిషన్‌ గురించి కచ్చితమైన సమాచారం అవసరం. చిన్న పొరపాటు జరిగినా, అది అంతరిక్ష నౌకను చేరుకునే సమయానికి సిగ్నల్ లక్ష్యానికి కిలోమీటరు దూరంలో ఉంచుతుంది.