ఎలన్ మస్క్ ఇండియాలో ఇంటర్నెట్ సేవలను ప్రారంభించాలని ప్రయత్నాలను చేయడమే కాకుండా అనేక దేశాలలో శాటిలైట్ ఇంటర్నెట్ సర్వీసులను అందించాలని చూస్తున్నాడు. దానిలో భాగంగా స్పేస్ఎక్స్ యాజమాన్యంలోని స్టార్లింక్ శాటిలైట్ కమ్యూనికేషన్స్ కంపెనీ మొదటిసారిగా ఇన్-ఫ్లైట్ Wi-Fi ఒప్పందంపై సంతకం చేసింది. JSX, సెమీ-ప్రైవేట్ జెట్ సర్వీస్, స్టార్లింక్ నుండి విమానంలో Wi-Fi సర్వీస్ ను కొనుగోలు చేస్తుంది. ఈ ఒప్పందంలో స్టార్లింక్ టెర్మినల్స్తో కూడిన 100 విమానాలు ఉన్నాయి. అయితే ప్రస్తుతం ఎంత మొత్తంలో భాగస్వామ్యంను కలిగి ఉన్నదో వంటి వివరాలు తెలియదు. వాణిజ్య విమానయాన సంస్థల్లో ఇంటర్నెట్ అనేది శాటిలైట్ బ్రాడ్బ్యాండ్ సేవల యొక్క అతిపెద్ద ప్రయోజనాల్లో ఒకటి. ఇతర కంపెనీలు కూడా ఇదే ప్రయత్నం చేస్తున్నాయి. విమానంలో Wi-Fi సేవలను అందించడం కోసం స్టార్లింక్ తమ ఎయిర్క్రాఫ్ట్లో టెర్మినల్స్ను ఇన్స్టాల్ చేయడానికి అనేక విమానయాన సంస్థలతో చర్చలు జరుపుతోందని ఎలోన్ మస్క్ 2021లో ట్విట్టర్ ద్వారా తెలిపారు. JSX కస్టమర్లకు విమానంలో Wi-Fi ఛార్జీ విధించబడదని జెట్ సర్వీస్ కంపెనీ JSX ఒక ప్రకటనలో స్పష్టం చేసింది. అంతేకాకుండా, ఇంటర్నెట్ని యాక్సెస్ చేయడానికి లాగిన్ చేయాల్సిన అవసరం మరియు మరిన్ని వంటి లెగసీ సిస్టమ్లు ఉండవని JSX తెలిపింది. షిప్పింగ్ మరియు విమానాలలో స్టార్లింక్ను ఆపరేట్ చేయడానికి స్పేస్ఎక్స్ US ఫెడరల్ కమ్యూనికేషన్స్ కమీషన్ నుండి రెగ్యులేటరీ అనుమతిని కోరింది.
ليست هناك تعليقات:
إرسال تعليق