కొమాకి MG-Pro+ తక్కువ ధరలో మంచి రేంజ్, ఆధునిక ఫీచర్లు, సౌకర్యవంతమైన రైడింగ్ అందించడమే లక్ష్యంగా ఈ స్కూటర్‌ను కంపెనీ అందిస్తోంది. నాలుగు వేరియంట్లలో కొమాకి MG ప్రో+ MG-Pro+, MG-Pro V, MG-Pro Li, MG-Pro GLవేరియంట్‌లో లభిస్తుంది. వేరియంట్‌ను బట్టి బ్యాటరీ సామర్థ్యం, రేంజ్‌లో తేడా ఉంటుంది. టాప్ వేరియంట్ ఎక్కువ రేంజ్‌ను అందించేలా రూపొందించారు. కొమాకి MG-Pro+లో LiFePO4 లిథియం-అయాన్ బ్యాటరీ టెక్నాలజీని ఉపయోగించినట్లు కంపెనీ సమాచారం. ఈ బ్యాటరీ టెక్నాలజీ సేఫ్టీ పరంగా మంచి ఎంపికగా పరిగణించబడుతుంది. సాధారణ ఇంటి విద్యుత్ సాకెట్‌తోనే స్కూటర్‌ను ఛార్జ్ చేసుకోవచ్చు. బ్యాటరీ పూర్తిగా ఛార్జ్ కావడానికి సుమారు 4 నుంచి 5 గంటల సమయం పడుతుంది. వేరియంట్‌ను బట్టి ఫుల్ ఛార్జ్‌పై 100 కిలోమీటర్ల నుంచి 150 కిలోమీటర్లకు పైగా రేంజ్ లభిస్తుందని సమాచారం. రోజుకు 30-40 కిలోమీటర్లు ప్రయాణించే వారికి ఛార్జింగ్ ఫ్రీక్వెన్సీని తగ్గించుకునే అవకాశం ఉంటుంది. కొమాకి MG-Pro+లో BLDC హబ్ మోటర్ అందించారు. నగర రోడ్లపై స్మూత్‌గా ప్రయాణించడంతో పాటు ఎత్తైన ప్రాంతాల్లో కూడా మెరుగైన పనితీరును అందించేలా మోటార్‌ను రూపొందించారు. రైడర్ అవసరానికి అనుగుణంగా Eco, Sports, Turbo వంటి రైడింగ్ మోడ్‌లను ఎంచుకోవచ్చు. పార్కింగ్ సమయంలో సౌకర్యం కోసం Reverse Assist ఫీచర్ కూడా అందించారు. రోజువారీ వినియోగాన్ని సులభతరం చేసేలా స్కూటర్‌లో పలు స్మార్ట్ ఫీచర్లను అందించారు. ఇందులో డిజిటల్ ఇన్‌స్ట్రుమెంట్ క్లస్టర్, స్పీడ్, బ్యాటరీ, ట్రిప్ సమాచారం, USB మొబైల్ ఛార్జింగ్ పోర్ట్, యాంటీ-థెఫ్ట్ అలారం, కీ-లెస్ ఎంట్రీ, LED హెడ్‌లైట్, రీజెనరేటివ్ బ్రేకింగ్ సిస్టమ్ వంటి ఫీచర్లు ఉన్నాయి. కొమాకి MG-Pro+లో బ్యాటరీ, మోటార్‌పై మూడు సంవత్సరాల వరకు వారంటీ అందిస్తున్నట్లు సమాచారం. భద్రత కోసం బలమైన చాసిస్‌తో పాటు ముందు, వెనుక బ్రేకింగ్ సిస్టమ్, వెడల్పాటి టైర్లను అందించారు. దీంతో నగర రోడ్లతో పాటు కొంతమేర గుంతలు, అసమాన రోడ్లపై కూడా స్థిరమైన రైడింగ్ అనుభవం అందించడమే లక్ష్యంగా కంపెనీ ఈ స్కూటర్‌ను రూపొందించింది. కొమాకి MG-Pro+ ఎలక్ట్రిక్ స్కూటర్ ప్రారంభ ధర రూ.85,999.
No comments:
Post a Comment