అమెరికా మళ్లీ దాడులు ప్రారంభిస్తే కేబుళ్లు, డేటా సెంటర్లు, కృత్రిమ మేధ కేంద్రాలు సహా కీలక మౌలిక సదుపాయాలను లక్ష్యం చేసుకుంటాము

అమెరికా తమపై మళ్లీ దాడులు ప్రారంభిస్తే ఈసారి కేబుళ్లు, డేటా సెంటర్లు, కృత్రిమ మేధ కేంద్రాలు సహా కీలక మౌలిక సదుపాయాలను లక్ష్యంగా చేసుకుంటామని ఇరాన్ హెచ్చరించింది. మరోవైపు, వ్యూహాత్మకంగా అత్యంత కీలకమైన హర్మూజ్ జలసంధిని తిరిగి తెరిచే అంశంపై ఇరాన్, అమెరికా మధ్య చర్చలు కొనసాగుతున్నాయి. అయితే అమెరికా తాజాగా పంపిన ప్రతిపాదనలు తమకు ఆమోదయోగ్యంగా లేవని ఇరాన్ స్పష్టం చేసింది. అమెరికా మరోసారి యుద్ధాన్ని తీవ్రతరం చేస్తే పశ్చిమాసియాలోని కేబుల్ నెట్‌వర్క్‌లు, డేటా సెంటర్లు, AI కేంద్రాలు, ఇతర కీలక సైట్లపై దాడులు చేసే అవకాశం ఉందని ఇరాన్ హెచ్చరించింది. ఇరాన్ సుప్రీం నేషనల్ సెక్యూరిటీ కౌన్సిల్ చీఫ్, మాజీ కమాండర్ మోహ్సెన్ రెజాయీ ఈ మేరకు వ్యాఖ్యలు చేసినట్లు కథనంలో పేర్కొన్నారు. ప్రస్తుత కాలంలో డేటా సెంటర్లు, కమ్యూనికేషన్ కేబుళ్లు, కృత్రిమ మేధకు సంబంధించిన మౌలిక సదుపాయాలు ఆర్థిక వ్యవస్థలు, ప్రభుత్వ కార్యకలాపాలు, సమాచార వ్యవస్థలకు అత్యంత కీలకంగా మారాయి. వీటిపై దాడులు జరిగితే డిజిటల్ సేవలు, సమాచార మార్పిడి, వ్యాపార కార్యకలాపాలకు అంతరాయం కలిగే ప్రమాదం ఉంటుంది. అయితే ఇరాన్ హెచ్చరికల నేపథ్యంలో ఎలాంటి చర్యలు తీసుకుంటుందనే దానిపై స్పష్టత రావాల్సి ఉంది. ఈ వ్యాఖ్యలు ఇరు దేశాల మధ్య ఇప్పటికే ఉన్న ఉద్రిక్తతలను మరింత పెంచే అవకాశం ఉంది.