పశ్చిమాసియా ప్రాంతంలో యుద్ద ఉద్రిక్తతలు తీవ్రరూపం దాల్చడంతో గ్లోబల్ కమోడిటీ మార్కెట్‌లో ముడి చమురు ధరలు ఒక్కసారిగా భగ్గుమన్నాయి. సముద్ర మార్గాల్లో చమురును రవాణా చేసే నౌకలపై దాడులు పెరగడం, అదే సమయంలో అమెరికా తన మూడవ ఎయిర్‌క్రాఫ్ట్ క్యారియర్ స్ట్రైక్ గ్రూప్‌ను ఆ ప్రాంతానికి మోహరిస్తున్నట్లు వార్తలు వెలువడటంతో సరఫరా అంతరాయాలపై వ్యాపారుల్లో తీవ్ర ఆందోళన వ్యక్తమవుతోంది. ఈ ప్రతికూల పరిణామాల మధ్య అంతర్జాతీయ మార్కెట్‌లో బ్రెంట్ ముడి చమురు ధర 4.4 శాతం పెరిగి బ్యారెల్‌కు $102.31 వద్ద ముగిసింది. శుక్రవారం ఉదయం ఆసియా మార్కెట్లు తెరుచుకోగానే ఇది మరింత పైకి పాకి బ్యారెల్‌కు $103 మార్కును తాకింది. యూఎస్ వెస్ట్ టెక్సాస్ ఇంటర్మీడియట్ క్రూడ్ ఫ్యూచర్స్ కూడా 2.7 శాతం పెరిగి బ్యారెల్‌కు $92.87 స్థాయికి చేరుకున్నాయి. శాన్ డియాగో నుండి ‘యూఎస్ఎస్ థియోడర్ రూజ్‌వెల్ట్’ యుద్ధనౌక పశ్చిమాసియా వైపు బయలుదేరింది. ఇప్పటికే ఆ ప్రాంతంలో ‘యూఎస్ఎస్ జార్జ్ హెచ్.డబ్ల్యూ. బుష్’, ‘యూఎస్ఎస్ జార్జ్ వాషింగ్టన్’ వంటి ప్రధాన యుద్దనౌకలు మోహరించి ఉండగా, మరో 10,000 మందికి పైగా అమెరికన్ సైనికులు నవంబర్ నాటికి అక్కడికి చేరుకునే అవకాశముంది. అమెరికా అధ్యక్ష ఎన్నికలు పూర్తయిన వెంటనే ఇరాన్‌పై సైనిక చర్యలు పెరిగే అవకాశాలు ఉన్నాయని మాజీ సిఐఎ అధికారులు కూడా వ్యాఖ్యానించడంతో మార్కెట్ ఈ సైనిక కదలికలను సంభావ్య యుద్ధ సంకేతంగా భావిస్తోంది.
بحث هذه المدونة الإلكترونية
Featured Post
Four Fake Hijras Arrested
LATEST NEWS AP TO TG
QooQ
ليست هناك تعليقات:
إرسال تعليق