రిజర్వ్ బ్యాంక్ ఆఫ్ ఇండియా ఎగ్జిక్యూటివ్ డైరెక్టర్‌గా సుధాకర్ మల్లిని నియమించింది. ఈ నియామకం అక్టోబర్ 1, 2026 నుంచి అమల్లోకి వచ్చినట్లు ఆర్బీఐ శుక్రవారం విడుదల చేసిన ప్రకటనలో తెలిపింది. ఎగ్జిక్యూటివ్ డైరెక్టర్‌గా సుధాకర్ మల్లి డిపార్ట్‌మెంట్ ఆఫ్ సూపర్‌విజన్ బాధ్యతలను పర్యవేక్షించనున్నారు. ఇంతకు ముందు ఇదే విభాగంలో చీఫ్ జనరల్ మేనేజర్-ఇన్-చార్జ్‌గా పనిచేశారు. తాజాగా ఆయనకు ఎగ్జిక్యూటివ్ డైరెక్టర్‌గా పదోన్నతి లభించింది. సుధాకర్ మల్లి సుమారు మూడు దశాబ్దాలుగా సెంట్రల్ బ్యాంకింగ్ రంగంలో పనిచేస్తున్నారు. ఇందులో రెండున్నర దశాబ్దాలకు పైగా బ్యాంకులు, నాన్-బ్యాంకింగ్ ఫైనాన్షియల్ కంపెనీలు, సహకార బ్యాంకుల పర్యవేక్షణలో అనుభవం ఉంది. అలాగే విదేశాల్లోని పలు జ్యూరిస్డిక్షన్లలో సుమారు ఐదేళ్ల పాటు పర్యవేక్షణ బాధ్యతలు నిర్వహించారు. కరెన్సీ మేనేజ్‌మెంట్‌ విభాగంలోనూ ఆయన పనిచేసినట్లు ఆర్బీఐ తెలిపింది. సుధాకర్ మల్లి మెకానికల్ ఇంజినీరింగ్‌లో బీటెక్ పట్టా పొందారు. అలాగే ఇండియన్ ఇన్‌స్టిట్యూట్ ఆఫ్ బ్యాంకర్స్ సర్టిఫైడ్ అసోసియేట్‌గా ఉన్నారు. ఆర్బీఐలో పర్యవేక్షణ విభాగంలో సుదీర్ఘ అనుభవం ఉన్న మల్లికి ఎగ్జిక్యూటివ్ డైరెక్టర్‌గా కీలక బాధ్యతలు అప్పగించినట్లు కేంద్ర బ్యాంకు వెల్లడించింది.
بحث هذه المدونة الإلكترونية
Featured Post
Accused Vishal Kumar Metre Arrested
LATEST NEWS AP TO TG
QooQ
ليست هناك تعليقات:
إرسال تعليق