ఓలా ఎలక్ట్రిక్ కంపెనీ ప్రతిపాదించిన రైట్స్ ఇష్యూకు సంబంధించి ఇష్యూ ధర, రికార్డ్ డేట్, ప్రారంభ తేదీ, ముగింపు తేదీ సహా కీలక వివరాలను వెల్లడించింది. కంపెనీ బోర్డు ఒక్కో ఈక్విటీ షేర్‌కు రూ.27గా రైట్స్ ఇష్యూ ధరను నిర్ణయించింది. ప్రస్తుతం మార్కెట్లో ఓలా ఎలక్ట్రిక్ షేర్ ధర రూ.36.30 వద్ద ఉండగా, రైట్స్ ఇష్యూ ధర మార్కెట్ ధర కంటే సుమారు 26 శాతం తక్కువగా ఉంది. దీంతో అర్హత కలిగిన ప్రస్తుత షేర్‌హోల్డర్లకు డిస్కౌంట్ ధరలో అదనపు షేర్లను కొనుగోలు చేసే అవకాశం లభించనుంది. ఓలా ఎలక్ట్రిక్ బోర్డు గరిష్ఠంగా రూ.1,000 కోట్ల విలువైన రైట్స్ ఇష్యూకు ఆమోదం తెలిపింది. ఇందులో గరిష్ఠంగా 37.03 కోట్ల పాక్షికంగా చెల్లించిన ఈక్విటీ షేర్లు జారీ చేయనున్నారు. ప్రతి షేర్ ముఖ విలువ రూ.10 కాగా, రూ.17 ప్రీమియంతో కలిపి మొత్తం ఇష్యూ ధర రూ.27గా నిర్ణయించారు. కంపెనీ ప్రకారం, ఈ మొత్తాన్ని ఒకేసారి కాకుండా రెండు విడతల్లో చెల్లించాల్సి ఉంటుంది. అర్హత కలిగిన షేర్‌హోల్డర్లకు 25 పూర్తిగా చెల్లించిన ఈక్విటీ షేర్లకు 2 రైట్స్ షేర్లు చొప్పున లభిస్తాయి. అంటే రికార్డ్ డేట్ నాటికి ఒక ఇన్వెస్టర్ వద్ద 25 అర్హత కలిగిన షేర్లు ఉంటే, అతనికి/ఆమెకు 2 రైట్స్ షేర్లను కొనుగోలు చేసే హక్కు లభిస్తుంది.
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment