ホーム / Uranium Enrichment Will Halt If Sanctions Are Eased and Frozen Assets Released /

ఆంక్షలను సడలించి, స్తంభింపజేసిన ఆస్తులను విడుదల చేయడానికి అంగీకరిస్తే యురేనియం శుద్ధి నిలిపివేత : ఇరాన్ స్పష్టం

الثلاثاء، 29 سبتمبر 2026

Al-Hadath reported international Iran Clarifies Saudi Arabia's official media outlet Uranium Enrichment Will Halt If Sanctions Are Eased and Frozen Assets Released

t f B! P L

అమెరికా ఆంక్షలను సడలించి, స్తంభింపజేసిన తమ ఆస్తులను విడుదల చేయడానికి అంగీకరిస్తేనే తాము యురేనియం శుద్ధి నిలిపివేస్తామని ఇరాన్ స్పష్టం చేసింది. ఈ మేరకు విశ్వసనీయ వర్గాలను ఉటంకిస్తూ సౌదీ అధికారిక మీడియా సంస్థ అల్-హదత్ నివేదించింది. ఇరు దేశాల మధ్య శాంతి ఒప్పందం విషయంలో భిన్నాభిప్రాయాలు వ్యక్తమవుతున్నప్పటికీ మధ్యవర్తిత్వం వహిస్తోన్న ఖతార్, పాకిస్థాన్‌లు చర్చలను పునరుద్దరించే ప్రయత్నాలు ముమ్మరంగా కొనసాగిస్తున్నాయి. ఇదే సమయంలో ఇరాన్ తన అణు కార్యక్రమంపై స్పష్టమైన నిర్ణయం తీసుకుంటేనే ఆ దేశంపై ఉన్న ఆంక్షలు సడలించడానికి, స్తంభింపజేసిన వారి నిధుల విడుదలకు తాను సిద్ధంగా ఉన్నానని అమెరికా అధ్యక్షుడు డొనాల్డ్ ట్రంప్ అన్నట్టు అమెరికా అధికారులను ఉటంకిస్తూ 'యాక్సియస్' నివేదిక పేర్కొంది. అయితే, ఆంక్షలను సడలించే ముందు టెహ్రాన్ అణ్వాయుధ కార్యక్రమంపై స్పష్టమైన, గ్యారెంటీతో కూడిన హామీ ఇవ్వాలని ట్రంప్ యంత్రాంగం పట్టుబడుతోందని తెలిపింది.  ఇరాన్ సైతం హర్మూజ్ జల సంధి తెరవడం, అమెరికా దిగ్బంధనం ముగింపు, ఆంక్షల సడలింపునకే తొలి ప్రాధాన్యత ఇస్తోంది. ఇరు దేశాల మధ్య శాంతి చర్చల్లో అణు కార్యక్రమం, ఆంక్షలు కీలకంగా మారినట్టు నివేదికలు సూచిస్తున్నాయి. ఆంక్షలు సడలింపు, హర్మూజ్ జల సంధి వివాదం పరిష్కారం కోసం శుద్ధి చేసిన యురేనియంలో 60 శాతం థర్డ్ పార్టీ (మూడో దేశానికి) తరలింపునకు తాము సిద్ధంగా ఉన్నట్టు గత ప్రణాళికలో ఇరాన్ ప్రతిపాదించింది. అమెరికా, ఇరాన్ మధ్య దౌత్యపరమైన చర్చలను పునరుద్దరించే ప్రయత్నాలను మధ్యవర్తులు ముఖ్యంగా ఖతార్, పాకిస్థాన్‌లు తీవ్రతరం చేశాయి. ఇరాన్ విదేశాంగ మంత్రి అబ్బాసీ అరాఘ్చీతో న్యూయార్క్‌లో ఖతార్ బృందం చర్చలు జరిపింది. అమెరికా అధికారులతోనూ ఈ బృందం భేటీ అయి ఇరాన్ డిమాండ్లను తెలియజేయనుంది. ఈ చర్చల గురించి అమెరికా అధికారి ఒకరు మాట్లాడుతూ నిర్మాణాత్మకంగా, సానుకూలంగా సాగుతున్నాయని తెలిపారు. అణు కార్యక్రమంపై ఇరాన్ కొంత మెత్తబడిందని ఆయన చెప్పినట్లు ఆక్సియోస్ పేర్కొంది. కానీ, ఇరు దేశాల మధ్య విశ్వసనీయత లోపించడం వల్ల అమలు ప్రక్రియపై ఇంకా అస్పష్టత కొనసాగుతోందని తెలిపింది. అమెరికా, ఇరాన్ మధ్య చర్చల్లో ప్రపంచ చమురు రవాణాకు అత్యంత ముఖ్యమైన హర్మూజ్ జల సంధి కీలక అంశంగా మారింది. ఇరాన్ పోర్టులపై అమెరికా దిగ్బంధనం కొనసాగుతుండగా... జల సంధిని తిరిగి తెరవడంపై ఒప్పందం కుదిరితేనే పశ్చిమాసియాలో ఉద్రిక్తతలు తగ్గి, శాంతికి మార్గం సుగమం అవుతుందని భావిస్తున్నారు. ఈ నెల మొదటి వారం నుంచి వైమానిక దాడులు కొంత తగ్గుముఖం పట్టినప్పటికీ.. పోర్టుల వద్ద ఉద్రిక్తతలు కొనసాగుతున్నాయి.

Random Post

    إجمالي مرات مشاهدة الصفحة

    بحث هذه المدونة الإلكترونية

    نموذج الاتصال

    No Thumbnail

    LATEST NEWS AP TO TG
    LATEST NEWS AP TO TG

    #Tech

    LATEST NEWS AP TO TG

    Tech

    #Smartphone

    LATEST NEWS AP TO TG

    Smartphone

    Categories

    Main Tags

    Translate

    Featured Posts

    {getFeatured} $label={recent} $region={Andhra Pradesh}

    #Advertisement

    8/related/default

    QooQ