అమెరికాలో హెచ్-1బీ వీసా మరియు పర్మనెంట్ లేబర్ సర్టిఫికేషన్ ప్రక్రియలో అవకతవకలు జరిగాయన్న ఆరోపణల నేపథ్యంలో ప్రముఖ ఐటీ దిగ్గజాలు కాగ్నిజెంట్, క్లౌడెరా సంస్థలకు గట్టి ఎదురుదెబ్బ తగిలింది. ఈ రెండు కంపెనీలకు సంబంధించిన గ్రీన్కార్డ్ దరఖాస్తులను అమెరికా అధికారులు తాత్కాలికంగా నిలిపివేశారు. అమెరికా అధ్యక్ష కార్యాలయం ఏర్పాటు చేసిన వైట్హౌస్ ఫ్రాడ్ టాస్క్ఫోర్స్ చేపట్టిన సమగ్ర దర్యాప్తులో భాగంగానే ఈ కఠిన చర్యలు తీసుకున్నట్లు యూఎస్ డిపార్ట్మెంట్ ఆఫ్ లేబర్ (అమెరికా కార్మిక శాఖ) అధికారికంగా వెల్లడించింది. ఈ విచారణ పూర్తిస్థాయిలో ముగిసే వరకు కాగ్నిజెంట్ ఎలాంటి కొత్త గ్రీన్కార్డ్ దరఖాస్తులను సమర్పించడానికి వీలులేదని అధికారులు స్పష్టం చేశారు.
0 Comments