ఆసియా క్రీడలలో డిఫెండింగ్ ఛాంపియన్గా బరిలోకి దిగిన భారత మహిళల కబడ్డీ జట్టు, బలమైన ప్రత్యర్థి ఇరాన్తో జరిగిన ఫైనల్ పోరులో అద్భుత ప్రదర్శన కనబరిచి బంగారు పతకం సాధించింది. ఆది నుంచీ నువ్వా నేనా అన్నట్లు అత్యంత ఉత్కంఠభరితంగా సాగిన ఈ తుది సమరంలో భారత క్రీడాకారిణులు అద్భుత సమన్వయం, వ్యూహాత్మక రైడింగ్తో ఆకట్టుకున్నారు. హోరాహోరీగా సాగిన ఈ మ్యాచ్లో చివరకు 37-33 పాయింట్ల తేడాతో ఇరాన్పై విజయకేతనం ఎగురవేశారు. మరోవైపు, భారత్కు ఇతర విభాగాల్లోనూ పతకాలు లభించాయి. రైఫిల్ షూటింగ్లో భారత షూటర్లు రజత పతకాన్ని సాధించగా, స్క్వాష్ విభాగంలో భారత జోడీ సెమీఫైనల్స్లో తడబడి కాంస్య పతకంతో సరిపెట్టుకుంది. కబడ్డీలో స్వర్ణం సాధించడంపై దేశవ్యాప్తంగా క్రీడాభిమానులు, ప్రముఖులు హర్షం వ్యక్తం చేస్తున్నారు. 50 మీటర్ల రైఫిల్ టీమ్ ఈవెంట్ లో తిలోత్తమా సేన్, విదర్సా వినోద్, ఆషి చౌక్సే రజతాన్ని సొంతం చేసుకున్నారు. ఈ పోటీల్లో చైనా బృందం 1773 పాయింట్లతో పసిడి పతకాన్ని దక్కించుకోగా.. భారత బృందానికి 1763 పాయింట్లు రావడంతో రెండో స్థానంలో నిలిచింది. 1754 పాయింట్లు సాధించిన కజకిస్థాన్కు కాంస్యం దక్కింది. ఇక, స్క్వాష్ విభాగంలో మిక్స్డ్ డబుల్స్ జోడీ జోష్న చిన్నప్ప-సెంథిల్ కుమార్కు కాంస్య పతకం దక్కింది. సెమీస్లో హాంకాంగ్ ద్వయం లీ కా యి, తాంగ్ మింగ్ హాంగ్ చేతిలో ఓడింది. అంతకుముందు, భారత అథ్లెట్, హవల్దార్ సావన్ బర్వాల్ మారథాన్లో చరిత్ర సృష్టించిన సంగతి తెలిసిందే. ఈ పోటీల్లో రజతంతో మెరిసి 44 ఏళ్ల తర్వాత మన దేశానికి పతకం అందించాడు.
No comments:
Post a Comment