దక్షిణాఫ్రికాలోని వెస్ట్రన్ కేప్ ప్రావిన్స్ లో రెండు మినీ బస్ టాక్సీలు ఒకదాన్నొకటి ఢీ కొన్న ఘటనలో 21 మంది మృతి చెందారు. మరో నలుగురికి తీవ్ర గాయాలయ్యాయి. ఈ ప్రమాదం వెస్ట్రన్ కేప్ ప్రావిన్స్ లోని ఎన్ 1 హైవేపై జరిగినట్లు అధికారులు తెలిపారు. ఈ ఘోర ప్రమాదం ఆదివారం అర్ధరాత్రి 11 గంటల 30 నిమిషాల సమయంలో జరిగింది. ఈస్ట్ కేప్ టౌన్ నుంచి దాదాపు 380 కి. మీ. దూరంలో ఈ ఘటన జరిగినట్లు ది రోడ్ ట్రాఫిక్ మేనేజ్ మెంట్ కార్పొరేషన్ తెలిపింది. వెస్ట్రన్ కేప్ మొబిలిటీ డిపార్ట్ మెంట్ తెలిపిన వివరాల ప్రకారం ముందుగా ఓ ఎస్ యూవీ వాహనం క్రాష్ కాగా అదే సమయంలో ఎదురెదురుగా వస్తున్న రెండు మినీ బస్సులు ఒకదాన్నొకటి ఢీ కొన్నాయి. ముగ్గురు క్షతగాత్రులను ఆస్పత్రికి తరలించగా అప్పటికే వాళ్లు ప్రాణాలు కోల్పోయినట్లు అధికారులు తెలిపారు. ఈ ప్రమాదంలో మృతుల సంఖ్య మరింతగా పెరిగే అవకాశం ఉందని పేర్కొన్నారు. ప్రస్తుతం ఘటనా స్థలిలో సహాయక చర్యలు కొనసాగుతున్నాయని వివరించారు. భారీ రోడ్డు ప్రమాదం నేపథ్యంలో ఎన్ 1 హైవే ను పూర్తిగా మూసివేసినట్లు పోలీసులు తెలిపారు. ప్రస్తుతం అక్కడ ఎమర్జెన్సీ బృందాలు పనిచేస్తున్నాయని అన్నారు. ఇక రోడ్ ట్రాఫిక్ మేనేజ్ మెంట్ కార్పొరేషన్ ఈ ప్రమాద ఘటనపై దర్యాప్తు చేపట్టింది. ఇక ఈ ఘటనపై సౌతాఫ్రికా ప్రభుత్వం దిగ్భ్రాంతి వ్యక్తం చేసినట్లు సమాచారం. మృతుల కుటుంబాలకు ప్రగాఢ సానుభూతిని తెలియజేసినట్లు తెలుస్తోంది.
ليست هناك تعليقات:
إرسال تعليق