రేపటి నుంచి ప్రముఖ ఈ-కామర్స్ ప్లాట్ఫామ్ ఫ్లిప్కార్ట్లో పోకో ఎక్స్8 సిరీస్ అమ్మకాలు ప్రారంభం కానున్నాయి. పోకో ఎక్స్8 ప్రారంభ ధర రూ.29,999 కాగా, ఎక్స్8 పవర్ బేస్ వేరియంట్ ధర రూ.35,999గా ఉంది. అయితే లాంచ్ ఆఫర్లతో ఈ ఫోన్ల ఎఫెక్టివ్ ప్రారంభ ధరలు వరుసగా రూ.26,999 మరియు రూ.32,999కి తగ్గుతాయి. కొనుగోలుదారులకు రూ.2,000 కూపన్ ఆఫర్తో పాటు రూ.1,000 బ్యాంక్ లేదా ఎక్స్ఛేంజ్ డిస్కౌంట్ లభిస్తుంది. అలాగే 12 నెలల నో-కాస్ట్ ఈఎమ్ఐ సదుపాయం కూడా ఉంది. ఈ నో-కాస్ట్ ఈఎమ్ఐ ఆప్షన్లో పోకో ఎక్స్8 నెలకు రూ.2,250 నుంచి, ఎక్స్8 పవర్ నెలకు రూ.2,750 నుంచి ప్రారంభమవుతుంది. ఆర్డర్ చేసే ముందు మీ పిన్కోడ్ ఆధారంగా డెలివరీ సమయం, నచ్చిన కలర్ స్టాక్ను ఒకసారి సరిచూసుకోండి. పోకో ఎక్స్8 మోడల్ ఆరెంజ్, వైట్ కలర్స్లో దొరుకుతుండగా.. ఎక్స్8 పవర్ మోడల్ విగన్-లెదర్ టెక్స్చర్తో పోకో ఎల్లో, బ్లాక్ రంగుల్లో అందుబాటులో ఉంది. ఈ రెండు ఫోన్లలోనూ 6.83-అంగుళాల 1.5K 120Hz అమోలెడ్ డిస్ప్లే, గొరిల్లా గ్లాస్ విక్టస్ 2 ప్రొటెక్షన్ ఉన్నాయి. వీటితో పాటు స్టీరియో స్పీకర్లు, IP66, IP68, IP69, IP69K వాటర్ అండ్ డస్ట్ రెసిస్టెన్స్ రేటింగ్స్ ఇవ్వడం విశేషం. పోకో ఎక్స్8లో 67W ఛార్జింగ్ సపోర్ట్తో 9,000mAh బ్యాటరీ రాగా.. పవర్ వేరియంట్లో ఏకంగా 100W ఫాస్ట్ ఛార్జింగ్, 10,000mAh భారీ బ్యాటరీని అందించారు. ప్రాసెసర్లు కూడా వేర్వేరుగా ఉన్నాయి; ఎక్స్8లో స్నాప్డ్రాగన్ 6 జెన్ 4 ఉంటే, ఎక్స్8 పవర్లో స్నాప్డ్రాగన్ 6 జెన్ 5 చిప్సెట్ అమర్చారు. కెమెరాల విషయానికొస్తే, ఎక్స్8 పవర్లో OIS సపోర్ట్తో కూడిన 50MP మెయిన్ కెమెరా, ఎక్స్8లో 50MP ప్రైమరీ కెమెరాతో పాటు ఆర్టిఫిషియల్ ఇంటెలిజెన్స్ టూల్స్ లభిస్తాయి. సుదీర్ఘ బ్యాటరీ లైఫ్తో పాటు స్మూత్ గేమింగ్ ఎక్స్పీరియన్స్ను ఇవి అందిస్తాయి.
ليست هناك تعليقات:
إرسال تعليق