దేశంలో మొట్టమొదటిసారిగా 1.3 కిలోమీటర్ల పొడవైన భారీ డబుల్ డెక్కర్ / డబుల్ స్టాక్ కంటైనర్ రైలును నడిపి భారతీయ రైల్వే శాఖ చారిత్రక మైలురాయిని అధిగమించింది. ముంబై సమీపంలోని ప్రసిద్ధ జవహర్లాల్ నెహ్రూ పోర్ట్ ట్రస్ట్ నుంచి బయలుదేరిన ఈ రైలు, గుజరాత్లోని వడోదర డివిజన్ పరిధిలోని వర్ణామా రైల్వే స్టేషన్ వరకు విజయవంతంగా ప్రయాణించింది. పశ్చిమ ప్రత్యేక సరుకు రవాణా కారిడార్ మీదుగా దాదాపు 422 కిలోమీటర్ల దూరాన్ని ఈ రైలు పూర్తి చేసుకుంది. రెండు పెద్ద కంటైనర్ రైళ్లను కలిపి ప్రత్యేకంగా రూపొందించిన ఈ 'లాంగ్-హాల్' రైలులో మొత్తం 360 కంటైనర్లను రవాణా చేశారు. దీనివల్ల నౌకాశ్రయాల్లో పేరుకుపోయే సరుకులను అత్యంత వేగంగా గమ్యస్థానాలకు తరలించడంతో పాటు, జాతీయ రహదారులపై భారీ లారీల రద్దీని తగ్గించడానికి మార్గం సుగమమైంది.
ليست هناك تعليقات:
إرسال تعليق