వివో వై500 స్మార్ట్ఫోన్ను మార్కెట్లో విడుదల చేసింది. భారీ 8100mAh బ్యాటరీ, 50MP డ్యూయల్ రియర్ కెమెరా, 1.5K AMOLED డిస్ప్లే వంటి ఆకర్షణీయమైన ఫీచర్లతో ఈ ఫోన్ వినియోగదారులను ఆకట్టుకుంటోంది. ప్రస్తుతం ఈ స్మార్ట్ఫోన్ పాకిస్తాన్ మార్కెట్లో అందుబాటులోకి రాగా, త్వరలో ఇతర దేశాల్లో కూడా విడుదల కానుంది. Vivo Y500ను కంపెనీ పాకిస్తాన్లో PKR 99,999 ప్రారంభ ధరతో విడుదల చేసింది. భారత కరెన్సీలో దీని ధర సుమారు రూ.34,000గా ఉంటుంది. ఈ ఫోన్ పెరల్ వైట్, మిడ్ నైట్ బ్లూ కలర్ ఆప్షన్లలో అందుబాటులో ఉంది. త్వరలో సౌదీ అరేబియా సహా మరిన్ని అంతర్జాతీయ మార్కెట్లలో కూడా ఈ ఫోన్ అందుబాటులోకి వచ్చే అవకాశం ఉంది. దీనిలో 6.83 అంగుళాల AMOLED డిస్ప్లేను అందించారు. ఈ డిస్ప్లే 2800 × 1260 పిక్సెల్స్ 1.5K రిజల్యూషన్, 449 PPI పిక్సెల్ డెన్సిటీతో వస్తుంది. Unisoc T7300 చిప్సెట్ ను ఉపయోగించారు. 8GB RAM, 256GB వరకు ఇంటర్నల్ స్టోరేజ్, Android 16 ఆధారిత OriginOS 6 అందుబాటులో ఉన్నాయి. 50MP ప్రైమరీ కెమెరా, 2MP సెకండరీ సెన్సార్ అందించారు. సెల్ఫీలు, వీడియో కాల్స్ కోసం 32MP ఫ్రంట్ కెమెరాను కంపెనీ అందించింది. ఈ ఫోన్లోని ప్రధాన ఆకర్షణ 8100mAh బ్యాటరీ. 44W ఫాస్ట్ ఛార్జింగ్, 3000mm² Vapor Chamber Cooling System అందించారు. దీని వల్ల ఎక్కువసేపు బ్యాటరీ బ్యాకప్తో పాటు గేమింగ్ సమయంలో వేడి సమస్య కూడా తగ్గుతుంది.
ليست هناك تعليقات:
إرسال تعليق