నల్గొండలో చిరుత కలకలం : చిరుత కాదని, అడవి పిల్లి అని నిర్ధారించిన అటవీశాఖ అధికారి

నల్గొండలోని ఏఆర్ నగర్‌లో అర్ధరాత్రి చిరుత పిల్ల సంచరిస్తోందంటూ ఓ వీడియో సామాజిక మాధ్యమాల్లో వైరల్‌గా మారింది. దీంతో స్థానికులు తీవ్ర భయాందోళనలకు గురయ్యారు. సమాచారం అందుకున్న పోలీసులు, అటవీశాఖ అధికారులు ఘటనా స్థలాన్ని పరిశీలించి విచారణ చేపట్టారు. ఆ వీడియోలో ఉన్నది చిరుత కాదని, అడవి పిల్లి అని రేంజ్ అధికారి వీరేంద్ర బాబు స్పష్టం చేశారు. సామాజిక మాధ్యమాల్లో వచ్చే వదంతులను నమ్మి ప్రజలు అనవసరంగా ఆందోళన చెందవద్దని ఆయన భరోసా ఇచ్చారు.