గుజరాత్ రాజధాని అహ్మదాబాద్కు చెందిన కహన్ పటేల్ (17) అనే నీట్ విద్యార్థి ఒక భవనం ఆరో అంతస్తు నుంచి కిందకు దూకి బలవన్మరణానికి పాల్పడ్డాడు. పరీక్షా విధానంలో జరిగిన లోపాలు, పేపర్ లీక్ నేపథ్యంలో భవిష్యత్తుపై నెలకొన్న తీవ్ర ఆందోళన, మానసిక ఒత్తిడి తట్టుకోలేకనే సదరు విద్యార్థి ఈ తీవ్ర నిర్ణయం తీసుకున్నట్లు తెలుస్తోంది. దేశవ్యాప్తంగా లక్షలాది మంది విద్యార్థుల జీవితాలతో ముడిపడి ఉన్న ఒక ప్రతిష్టాత్మక పరీక్ష ఇలా వివాదాల్లో చిక్కుకోవడం, ఫలితంగా ఒకే వరుసలో యువత ప్రాణాలు కోల్పోతుండటం దేశవ్యాప్తంగా తీవ్ర కలకలం రేపుతోంది. ఈ దారుణ ఉదంతంపై ప్రతిపక్ష కాంగ్రెస్ పార్టీ కేంద్ర ప్రభుత్వంపై తీవ్రస్థాయిలో విరుచుకుపడింది. నీట్ పేపర్ లీక్, పరీక్షల రద్దు, తదుపరి గందరగోళం కారణంగా దేశంలో ఇప్పటివరకు మొత్తం 12 మంది విద్యార్థులు ఆత్మహత్యలకు పాల్పడ్డారని ఆరోపిస్తూ, మరణించిన విద్యార్థుల వివరాలతో కూడిన జాబితాను కాంగ్రెస్ సోషల్ మీడియా వేదికగా విడుదల చేసింది. ఈ దారుణాలను కేవలం ఆత్మహత్యలుగా చూడలేమని, ఇవి ముమ్మాటికీ కేంద్ర ప్రభుత్వ వైఫల్యం వల్ల జరిగిన ‘హత్యలే’నని కాంగ్రెస్ తీవ్రంగా విమర్శించింది. దేశ భవిష్యత్తు అయిన విద్యార్థుల ప్రాణాలు పోవడానికి ప్రధానమంత్రి నరేంద్ర మోదీ, కేంద్ర విద్యాశాఖ మంత్రి ధర్మేంద్ర ప్రధాన్లే పూర్తి బాధ్యత వహించాలని ప్రతిపక్షం డిమాండ్ చేసింది.
ليست هناك تعليقات:
إرسال تعليق