సమంత నటించిన 'మా ఇంటి బంగారం' ముందుగా నిర్ణయించిన షెడ్యూల్ ప్రకారం ఈ సినిమా మే నెలలో విడుదల కావాల్సి ఉంది. అయితే, తాజా సమాచారం ప్రకారం ఈ చిత్రం విడుదల జూన్ 19, 2026కి వాయిదా పడింది. ఈ నిర్ణయం వెనుక ప్రధానంగా ఇండియన్ ప్రీమియర్ లీగ్ 2026 ప్లేఆఫ్స్ మరియు ఫైనల్ మ్యాచ్ల ప్రభావం ఉన్నట్లు తెలుస్తోంది. భారత్లో క్రికెట్ అంటే ఒక పండుగ. ముఖ్యంగా ఐపీఎల్ కీలక దశకు చేరుకున్నప్పుడు ప్రేక్షకులు థియేటర్ల కంటే టీవీలు, స్మార్ట్ఫోన్లకే ఎక్కువగా అతుక్కుపోతుంటారు. ఐపీఎల్ రద్దీ సమయంలో సినిమాను విడుదల చేస్తే ఓపెనింగ్స్ మరియు కలెక్షన్లపై దెబ్బ పడే అవకాశం ఉందని మేకర్స్ భావిస్తున్నారు. అందుకే రిస్క్ తీసుకోకుండా మే చివరి నుండి జూన్ నెలకు వాయిదా వేశారు. సమంత కెరీర్లో 'మా ఇంటి బంగారం' ఒక ప్రత్యేకమైన సినిమాగా నిలవనుంది. పేరుకు తగ్గట్టే ఇది ఒక అందమైన కుటుంబ కథా చిత్రమని, సమంత పాత్ర మహిళా ప్రేక్షకులను విశేషంగా ఆకట్టుకుంటుందని చిత్ర బృందం చెబుతోంది. ఈ సినిమాలో సమంత గన్ పట్టుకున్న పోస్టర్లు ఇప్పటికే వైరల్ అయ్యాయి. అంటే కేవలం కుటుంబ కథ మాత్రమే కాకుండా ఇందులో మంచి యాక్షన్ ఎలిమెంట్స్ కూడా ఉన్నాయని అర్థమవుతోంది. సమంత తన సొంత నిర్మాణ సంస్థ 'ట్రాలాలా మూవింగ్ పిక్చర్స్' బ్యానర్పై ఈ చిత్రాన్ని నిర్మిస్తుండటం విశేషం.
ليست هناك تعليقات:
إرسال تعليق