జియో ఫైనాన్షియల్ సర్వీసెస్, అలియాంజ్ గ్రూప్ తో జతకట్టి భారతీయ ఇన్సూరెన్స్ మార్కెట్లోకి అడుగుపెడుతోంది. ఈ రెండు సంస్థలు 50:50 భాగస్వామ్యంతో జాయింట్ వెంచర్ను ఏర్పాటు చేయడం విశేషం. జియో ఫైనాన్షియల్ సర్వీసెస్ కు ఉన్న భారీ డిజిటల్ నెట్వర్క్ , అలియాంజ్ గ్రూప్కు ఉన్న దశాబ్దాల అంతర్జాతీయ అనుభవం ఈ కూటమికి ప్రధాన బలం. వీరిద్దరి కలయికతో ప్రధానంగా జనరల్ ఇన్సూరెన్స్ (కార్, బైక్, ప్రాపర్టీ) మరియు హెల్త్ ఇన్సూరెన్స్ రంగాల్లో విప్లవాత్మక మార్పులు రానున్నాయి. ఇప్పటికే ‘అలియాంజ్ జియో రీఇన్సూరెన్స్’ పేరుతో మార్చి నెలలోనే ఒక విభాగాన్ని ప్రారంభించి, తమ వ్యాపార విస్తరణకు పునాదులు వేశారు. జియో తన డిజిటల్ ప్లాట్ఫారమ్స్ ద్వారా ఇన్సూరెన్స్ పాలసీలను ఇంటింటికీ చేరవేయడమే లక్ష్యంగా పెట్టుకుంది. జియో రాకతో ఈ రంగంలో పోటీ పెరగనుంది. జియో గతంలో టెలికాం రంగంలో చేసినట్లే, ఇన్సూరెన్స్ రంగంలో కూడా తక్కువ ప్రీమియం, సులభమైన క్లెయిమ్ ప్రాసెస్ మరియు అత్యాధునిక డిజిటల్ సేవల ద్వారా కస్టమర్లను ఆకర్షించే అవకాశం ఉంది. స్మార్ట్ఫోన్ ద్వారా నిమిషాల వ్యవధిలో పాలసీలు తీసుకోవడం, హెల్త్ చెకప్ అప్డేట్స్ వంటి ఫీచర్లు సామాన్యులకు ఇన్సూరెన్స్ను మరింత చేరువ చేయనున్నాయి. జియో వంటి దిగ్గజం రంగంలోకి రావడంతో ఇప్పటికే ఉన్న ప్రైవేట్, ప్రభుత్వ బీమా సంస్థలు తమ వ్యూహాలను మార్చుకోవాల్సిన పరిస్థితి ఏర్పడింది. జియో అందించబోయే ‘అగ్రెసివ్ ఆఫర్లు’ పాలసీదారులకు లాభం చేకూర్చడమే కాకుండా, పారదర్శకతను పెంచుతాయని భావిస్తున్నారు.
ليست هناك تعليقات:
إرسال تعليق