రేపు భూమిపైకి ఆర్టెమిస్ మిషన్ తిరిగి రాక !

ఆర్టెమిస్ మిషన్ రేపు భూమికి తిరిగి రానుంది. సెకెనుకు 40,000 కిలో మీటర్ల వేగంతో భూమి వైపుకు వస్తుంది. ఇది శాన్ డియాగో తీరానికి దూరంగా పసిఫిక్ మహాసముద్రంలో సుమారుగా సాయంత్రం 5:07 గంటలకు అంటే భారత్ కాలమానం ప్రకారం రేపు ఉదయం 5.06 నిముషాల కు స్ప్లాష్‌డౌన్ కానుంది. ఓరియన్ అంతరిక్ష నౌక గంటకు సుమారు 23,840 మైళ్ల వేగంతో వాతావరణంలోకి తిరిగి ప్రవేశిస్తుంది 1972 తర్వాత చంద్రుడిని సమీపించిన మొట్టమొదటి మానవ యాత్రగా, సిబ్బంది ఏప్రిల్ 6, 2026న చంద్రుని సమీప యాత్రను విజయవంతంగా పూర్తి చేశారు. క్యాప్సూల్ పసిఫిక్ మహాసముద్రంలో దిగుతుంది. ఆ తర్వాత నాసా మరియు యూఎస్ నేవీ సిబ్బంది అందులోని సిబ్బందిని రికవరీ చేస్తారు. గత ఆర్టెమిస్ I పరీక్ష ఆధారంగా హీట్ షీల్డ్ ఆందోళనలను నిర్వహించడానికి, సురక్షితమైన పునఃప్రవేశాన్ని నిర్ధారించడానికి నాసా పథాన్ని సర్దుబాటు చేసింది. సిబ్బంది భూమి నుండి సుమారు 406,771 కిలోమీటర్లు (252,756 మైళ్ళు) ప్రయాణించారు, ఇది మానవ విమానయానంలో ఒక రికార్డు దూరం. ఈ ఆర్టెమిస్ 2 వ్యోమగాములను సురక్షితంగా భూమికి తిరిగి రావడంపై తుది సన్నాహాలు జరుగుతున్నాయి. భారత కాలమానం ప్రకారం ఈ నెల 11 తెల్లవారు జామున 5:37 నిమిషాలకు పసిఫిక్ మహాసముద్రంలో ఓరియన్ క్యాప్సూల్ స్ప్లాష్‌డౌన్ అవుతుంది. స్ప్లాష్ డౌన్ సమయంలో ఈ ఓరియన్ క్యాప్సుల్.. అపోలో 10 నెలకొల్పిన అంతరిక్ష వేగ రికార్డును బద్దలు కొట్టే అవకాశం దాదాపుగా లేదు. నాసా అంచనాల ప్రకారం గరిష్టంగా సెకనుకు 38,367 కిలోమీటర్ల వేగంతో ఆర్టెమిస్ 2 ఓరియన్ క్యాప్సుల్ తిరిగి భూ కక్ష్యలోకి ప్రవేశించవచ్చు. ఇది అపోలో 10 రికార్డు గరిష్ట వేగం 39,938 కిలోమీటర్ల కంటే తక్కువ. నలుగురు వ్యోమగాములను సురక్షితంగా వెలికి తీసి, వైద్య పరీక్షల కోసం తరలిస్తారు. ఓరియన్ వ్యోమగాములు రీఎంట్రీని నాసా నిర్ధారించింది. స్పేస్ షిప్ కమాండర్ రీడ్ వైస్‌మ్యాన్ తో సంప్రదింపులు జరిపింది. చివరి అంతరిక్ష టెస్టింగ్ సెషన్‌ను పూర్తి చేసినట్లు ఆయన నాసాకు తెలియజేశారు. సూక్ష్మగురుత్వాకర్షణ ప్రభావాల నివారణకు ఇది తప్పనిసరి. ఈ మిషన్‌లో ఇది ఫైనల్ టెస్ట్ అవుతుందని వైస్‌మ్యాన్ వ్యాఖ్యానించారు. క్రూ మొత్తం కూడా భూమికి తిరిగి వచ్చే దశలో ఉన్నారని పేర్కొన్నారు. భూ కక్ష్యలోకి ప్రవేశించడానికి ముందు ఓరియన్ దాదాపు 40,000 కిలోమీటర్ల వేగంతో ప్రయాణిస్తుంది. ఆ సమయంలో క్యాప్సుల్ లో ఉండే కొన్ని పరికరాలు వదులు కావడాన్ని నివారించాల్సిన అవసరం ఉంది. దీనికోసం రేడియేషన్ షీల్డింగ్ అవసరం. ఈ క్రమంలో ల్యాండింగ్‌కు ముందు వ్యోమగాములు కెనడియన్ స్పేస్ ఏజెన్సీ నుంచి రేడియేషన్ షీల్డింగ్ విధానాలను అడిగి తెలుసుకుంటారు