దేశీయ మార్కెట్లో యెజ్డీ రోడ్ స్టార్ ఉల్ఫ్ విడుదలైంది. ఈ బైక్ సాధారణ మోడల్ తో పోలిస్తే లుక్ లో మార్పులున్నాయి. కానీ మెకానికల్ భాగాలు మాత్రం అదే విధంగా ఉన్నాయి. రంగుల విషయంలో 1970ల కాలం యెజ్డీ బైక్ల నుంచి ప్రేరణ తీసుకున్నారు. రెడ్ వుల్ఫ్ ఎడిషన్లో గాఢమైన గ్లోస్ రెడ్ కలర్ ఉంది. ఎగ్జాస్ట్, ఇంజిన్, హ్యాండిల్బార్లపై క్రోమ్ ఫినిష్ ఇచ్చారు. రోడ్స్టర్ స్టైలింగ్తో శిల్పంలా కనిపించే ఫ్యూయల్ ట్యాంక్ ఉంది. బాబర్ స్టైల్ టెయిల్ సెక్షన్, వెడల్పైన రియర్ టైర్ హగ్గర్ ఉన్నాయి. దీనికి సరిపోయేలా రిచ్ బ్రౌన్ సీట్ ఇచ్చారు. సింగిల్ సీట్ లేదా పిలియన్ సీట్ ఎంపిక చేసే విధంగా మాడ్యులర్ సెటప్ ఉంది. ఈ బైక్లో అత్యంత వెడల్పైన రియర్ టైర్ ఉందని కంపెనీ చెబుతోంది. ఈ బైక్లో అదే 334సీసీ ఆల్ఫా2 లిక్విడ్ కూల్డ్ ఇంజిన్ ఉంది. ఇది సిక్స్ స్పీడ్ గేర్బాక్స్తో వస్తుంది. 29 హెచ్పి పవర్, 29.8 ఎన్ఎం పీక్ టార్క్ ఇస్తుంది. రైడర్కు సౌకర్యంగా ఉండేందుకు అసిస్ట్ స్లిప్పర్ క్లచ్ కూడా ఉంది. బ్రేకింగ్ కోసం ముందు భాగంలో 320 ఎంఎం డిస్క్, వెనుక భాగంలో 240 ఎంఎం డిస్క్ ఉన్నాయి. డ్యుయల్ ఛానల్ ఏబీఎస్ కూడా ఇచ్చారు. దీనిలో 12.5 లీటర్ ఫ్యూయల్ ట్యాంక్ ఉంది. ఒకసారి ఫుల్ ట్యాంక్ చేస్తే 350 కిలోమీటర్లకు పైగా ప్రయాణించవచ్చని తయారీ సంస్థ చెబుతోంది. ముందు భాగంలో టెలిస్కోపిక్ ఫోర్క్స్, వెనుక భాగంలో డ్యూయల్ షాక్ అబ్జార్బర్స్ ఉన్నాయి. దీర్ఘ ప్రయాణాలకు సౌకర్యంగా ఉండేలా డిజైన్ చేశారు. సీట్ హైట్ 795 ఎంఎం. గ్రౌండ్ క్లియరెన్స్ 171 ఎంఎం. సెంటర్ ఫార్వర్డ్ ఫుట్పెగ్స్ ఉండటంతో రిలాక్స్గా రైడ్ చేయవచ్చు. ఓనర్షిప్ ఆస్యూరెన్స్ ప్రోగ్రామ్ కింద 4 సంవత్సరాలు లేదా 50,000 కిలోమీటర్ల సాధారణ వారంటీని ఇస్తోంది. కొనుగోలు దారులు ఆరు సంవత్సరాల వరకు విస్తరించిన వారంటీ, ఎనిమిది సంవత్సరాల వరకు రోడ్సైడ్ అసిస్టెన్స్, ఐదు సంవత్సరాల వరకు వార్షిక మెయింటెనెన్స్ కాంట్రాక్ట్లను కూడా ఎంచుకోవచ్చు. కంపెనీకి ప్రస్తుతం భారత్లో 450 కంటే ఎక్కువ సేల్స్ & సర్వీస్ టచ్పాయింట్లు ఉన్నాయి.
ليست هناك تعليقات:
إرسال تعليق