ఆగ్నేయ బంగాళాఖాతంలో నిన్న ఏర్పడిన అల్పపీడన ప్రాంతం నేటి ఉదయం కూడా అదే ప్రాంతంలో స్థిరంగా కొనసాగుతోంది. దీనికి అనుబంధంగా ఉన్న ఉపరితల ఆవర్తనం సముద్ర మట్టానికి 3.1 కిలోమీటర్ల ఎత్తు వరకు విస్తరించి ఉంది. ఈ వ్యవస్థ ప్రస్తుతం తూర్పు దిశగా కదులుతోందని, రాబోయే 24 గంటల్లో ఇది క్రమంగా బలహీనపడే అవకాశం ఉందని వాతావరణ శాఖ వెల్లడించింది. దీనికి తోడు దక్షిణ అంతర కర్ణాటక నుంచి మరాఠ్వాడా వరకు విస్తరించి ఉన్న ఉపరితల ద్రోణి కూడా వాతావరణ మార్పులకు తోడ్పడుతోంది. ప్రస్తుతం ఆంధ్రప్రదేశ్ మరియు యానాం ప్రాంతాల్లో దిగువ ట్రోపో ఆవరణంలో ఈశాన్య, ఆగ్నేయ దిశల నుండి గాలులు వీస్తున్నాయి. ఈ వాతావరణ పరిస్థితుల ప్రభావంతో నేడు, రేపు రాష్ట్రవ్యాప్తంగా తేలికపాటి నుండి మోస్తరు వర్షాలు కురిసే అవకాశం ఉంది. ముఖ్యంగా ఉత్తర కోస్తా ఆంధ్ర, దక్షిణ కోస్తా జిల్లాలైన విజయనగరం, పార్వతీపురం మన్యం, ఏలూరు, ప్రకాశం, రాయలసీమలోని నంద్యాల తదితర ప్రాంతాల్లో జల్లులు పడే అవకాశం ఉంది. మంగళ, బుధవారాల్లో ఉరుములు, మెరుపులతో కూడిన జల్లులు అక్కడక్కడ సంభవించవచ్చని, అయితే ఎల్లుండి నుండి రాష్ట్రవ్యాప్తంగా పొడి వాతావరణం నెలకొంటుందని అధికారులు అంచనా వేశారు. కనిష్ట ఉష్ణోగ్రతల్లో మాత్రం రాబోయే మూడు రోజుల్లో పెద్దగా మార్పులు ఉండబోవు.
ليست هناك تعليقات:
إرسال تعليق