ఇరాన్ దేశాన్ని ప్రస్తుతం తీవ్రమైన ఆర్థిక సంక్షోభం కుదిపేస్తోంది. గత కొంతకాలంగా అక్కడ ద్రవ్యోల్బణం నియంత్రణ లేకుండా పెరిగిపోవడంతో, సామాన్యుడి కనీస అవసరాలైన ఆహార పదార్థాల ధరలకు రెక్కలు వచ్చాయి. ముఖ్యంగా బియ్యం, వంట నూనె వంటి నిత్యావసర వస్తువుల ధరలు సామాన్యుడికి అందనంత ఎత్తుకు చేరుకున్నాయి. దీనివల్ల మధ్యతరగతి, పేద ప్రజలు ఒక పూట భోజనం గడవడానికి కూడా తీవ్రంగా శ్రమించాల్సిన పరిస్థితి ఏర్పడింది. మార్కెట్లో కిలో బియ్యం ధర ఏకంగా 2.2 లక్షల రియాల్స్కు చేరుకోగా, లీటర్ వంట నూనె ఏకంగా 18 లక్షల రియాల్స్కు విక్రయించబడుతోంది. ఒక ట్రే గుడ్ల ధర 35 లక్షల రియాల్స్గా పలుకుతోంది. కేవలం వారం రోజుల వ్యవధిలోనే ధరలు రెట్టింపు కావడం ప్రజలను విస్మయానికి గురిచేస్తోంది. గతంలో ఎన్నడూ లేని విధంగా అత్యల్ప కాలంలోనే నిత్యావసరాల రేట్లు ఇంత భారీగా పెరగడం వెనుక అంతర్జాతీయ మార్కెట్లో రియాల్ విలువ పడిపోవడమే ప్రధాన కారణమని నిపుణులు చెబుతున్నారు. అమెరికన్ డాలర్తో పోలిస్తే ఇరాన్ కరెన్సీ అయిన రియాల్ విలువ 14.7 లక్షలకు పడిపోవడంతో దిగుమతి చేసుకునే వస్తువుల ధరలు చుక్కలను తాకుతున్నాయి. ఈ ఆర్థిక అస్థిరత వల్ల ఇరాన్ ప్రజల కొనుగోలు శక్తి పూర్తిగా క్షీణించింది. ప్రభుత్వం ఎన్ని చర్యలు చేపట్టినప్పటికీ ద్రవ్యోల్బణాన్ని అదుపు చేయలేకపోవడంతో ప్రజల్లో ఆందోళనలు వ్యక్తమవుతున్నాయి. కరెన్సీ విలువ మరీ దారుణంగా పడిపోవడం వల్ల పొదుపు చేసుకున్న డబ్బు కూడా కరిగిపోతోందని, భవిష్యత్తులో ఈ ధరల పెరుగుదల ఇంకా ఏ స్థాయికి వెళ్తుందోనని అక్కడి ప్రజలు భయం గుప్పిట్లో కాలం వెళ్లదీస్తున్నారు
ليست هناك تعليقات:
إرسال تعليق