తీవ్రమైన కడుపు నొప్పితో బాధపడుతున్న ఒక వ్యక్తిని వైద్యులు సాధారణ గ్యాస్-ఎసిడిటీ అని చెప్పి ఇంటికి పంపించినప్పుడు, కేవలం కొద్ది నిమిషాల్లోనే కృత్రిమ మేధస్సు ప్రమాదానికి గల అసలు కారణాన్ని గుర్తించిన ఒక సంఘటన ప్రస్తుతం చర్చనీయాంశంగా మారింది. కేవలం కొద్ది క్షణాల్లో వచ్చిన ఈ హెచ్చరిక అతని ప్రాణాన్ని కాపాడింది. 49 ఏళ్ల వ్యక్తి తీవ్రమైన కడుపు నొప్పితో బాధపడుతుండగా, వైద్యులు దానిని ఎసిడిటీ అని చెప్పి ఇంటికి పంపించారు. అయితే, ఆ వ్యక్తి తన లక్షణాలను Grok AI కి చెప్పగా, AI కేవలం కొన్ని నిమిషాలలోనే అపెండిక్స్ పగిలిపోయే తీవ్రమైన ప్రమాదాన్ని సూచించింది. ఆ తర్వాత జరిగిన దానికి అందరూ ఆశ్చర్యపోయారు. సోషల్ మీడియా X లో షేర్ చేసిన ఒక పోస్ట్లో, ఒక యూజర్ రోగి కథను వివరించారు. వైరల్ పోస్ట్ ప్రకారం, 24 గంటల పాటు రోగికి కడుపులో రేజర్ బ్లేడ్ లాంటి భరించలేని నొప్పి రావడంతో అతను కదలకుండా పడుకుండిపోయాడు. ఆసుపత్రికి చేరుకున్నప్పుడు, డాక్టర్ కడుపును కొద్దిగా నొక్కి, ఎసిడిటీ బ్లాకర్ ఇచ్చి ఇంటికి పంపించారు. కానీ మందులతో నొప్పి తగ్గలేదు, మరింత తీవ్రంగానే ఉంది. పెరుగుతున్న నొప్పితో విసిగిపోయిన ఆ వ్యక్తి తన Grok AI చాట్ను తెరిచి, తన లక్షణాలన్నీ చెప్పాడు. దానికి Grok వెంటనే బదులిచ్చింది. Grok తక్షణమే అల్సర్ లేదా అపెండిక్స్ను సూచించిందని మరియు తాను ఏ రకమైన 'రెడ్-ఫ్లాగ్ ప్యాటర్న్' గురించి మాట్లాడుతున్నానో చెప్పిందని రోగి రాశారు. వెంటనే తిరిగి వెళ్లి ఒక సిటి స్కాన్ చేయించుకోవాలని Grok సలహా ఇచ్చింది. రోగి Grok చెప్పిన మాటలను కాపీ చేసి, మళ్లీ అత్యవసర ఆసుపత్రికి చేరుకున్నాడు. ఈసారి అతను సిటీ స్కాన్ చేయించుకోవాలని పట్టుబట్టాడు. AI స్కాన్ చేయమని చెప్పిందని తాను డాక్టర్లకు చెప్పలేదని ఆ వ్యక్తి తెలిపాడు. తన సోదరి ఒక నర్స్ అని, ఆమె స్కాన్ చేయించుకోమని సలహా ఇచ్చిందని చెప్పాడు. సిటీ స్కాన్లో చివరకు అది సాధారణ ఎసిడిటీ కాదని, పగిలిపోయే దశలో ఉన్న వాపు వచ్చిన అపెండిక్స్ అని స్పష్టమైంది. ఆ తర్వాత ఆరు గంటల్లోనే శస్త్రచికిత్స చేసి అపెండిక్స్ను తొలగించారు. శస్త్రచికిత్స తర్వాత నొప్పి పూర్తిగా తగ్గిందని రోగి తెలిపారు.
ليست هناك تعليقات:
إرسال تعليق