దేశంలో మారుతి సుజుకి కార్లలో అత్యంత తక్కువ ధర ఉన్న మోడల్ ఎస్-ప్రెస్సో. దీని ఎక్స్-షోరూమ్ ధరలు ప్రస్తుతం రూ.3.49 లక్షల నుంచి రూ.5.24 లక్షల వరకు ఉన్నాయి. ఈ కారు పెట్రోల్, సీఎన్జీ ఫ్యూయల్ ఆప్షన్లలో లభిస్తుంది. సిటీ ట్రాఫిక్లో సులభంగా నడపడానికి వీలుగా, కాంపాక్ట్ బాడీ, హై సీటింగ్ పొజిషన్ వంటి ప్రత్యేకతలు ఇందులో ఉన్నాయి. దీనికి 1.0 లీటర్, త్రీ సిలిండర్, K10C పెట్రోల్ ఇంజన్ శక్తినిస్తుంది. ఇది 5-స్పీడ్ మ్యాన్యువల్ లేదా ఏఎమ్టీ ఆటోమేటిక్ గేర్బాక్స్తో వస్తుంది. ఎస్-ప్రెస్సోకు అమ్మకాలు తగ్గుతున్నప్పటికీ, మైలేజ్ విషయంలో మాత్రం దీనికి తిరుగులేదు. డ్యుయల్ జెట్, డ్యుయల్ వీవీటీ టెక్నాలజీతో పాటు ఐడిల్ స్టార్ట్/స్టాప్ టెక్నాలజీ ఇందులో ఉంది. పెట్రోల్ మ్యాన్యువల్ వేరియంట్కు కంపెనీ 24.76 కి.మీ/లీ మైలేజీని, ఆటోమేటిక్ వేరియంట్కు 25.3 కి.మీ/లీ మైలేజీని వాగ్దానం చేస్తోంది. మైలేజ్ ప్రియుల కోసం సీఎన్జీ మోడల్లో కూడా ఇది అందుబాటులో ఉంది. సీఎన్జీలో కొద్దిగా పవర్ తగ్గినప్పటికీ (56.69 bhp), ఇది కిలోగ్రామ్కు 32.73 కిలోమీటర్ల అద్భుతమైన మైలేజీని ఇస్తుంది. దీని వలన మైలేజ్ పరంగా జేబుకు కష్టం ఉండదు. ఇది ఎంట్రీ లెవల్ కారు అయినప్పటికీ, ఎస్-ప్రెస్సోలో అవసరమైన అన్ని ఫీచర్లు ఉన్నాయి. ఇందులో 7 అంగుళాల స్మార్ట్ప్లే స్టూడియో టచ్స్క్రీన్ ఇన్ఫోటైన్మెంట్ సిస్టమ్ (ఆండ్రాయిడ్ ఆటో, ఆపిల్ కార్ప్లే కనెక్టివిటీతో), బ్లూటూత్, పవర్ స్టీరింగ్, ఫ్రంట్ పవర్ విండోస్, కీ-లెస్ ఎంట్రీ, ఎలక్ట్రికల్గా అడ్జస్ట్ చేయగల ఓఆర్వీఎంలు, వెనుక వైపు 60:40 స్ప్లిట్ సీట్లు వంటి ఫీచర్లు అందుబాటులో ఉన్నాయి. ఈ ఫీచర్లు, తక్కువ ధర, అత్యధిక మైలేజ్ వంటి అంశాలు ఉన్నప్పటికీ, ఎస్-ప్రెస్సో అమ్మకాలు తగ్గడం మార్కెట్ ట్రెండ్లో వస్తున్న మార్పులను సూచిస్తోంది. ప్రస్తుతం ఎస్యూవీలకు డిమాండ్ భారీగా పెరిగింది.
ليست هناك تعليقات:
إرسال تعليق