22న టెక్నో పాప్‌ 9 విడుదల ?

దేశీయ మార్కెట్లో ఈనెల 22న టెక్నో పాప్‌ 9 లాంచ్‌ కాబోతోంది. మీడియాటెక్‌ హీలియో జీ50 ప్రాసెసర్‌ తో వస్తున్న ఈ తొలి స్మార్ట్‌ఫోన్‌ గా టెక్నో పాప్‌ 9 నిలవనుంది. ప్రముఖ ఈ కామర్స్‌ సంస్థ అమెజాన్‌ వేదికగా ఈ ఫోన్‌ ను అందుబాటులోకి తీసుకురానున్నారు. ఇకపోతే ఈ స్మార్ట్ ఫోన్ ధర విషయానికొస్తే..ఈ ఫోన్‌ ప్రారంభ వేరియంట్‌ రూ. 10 వేల రేంజ్‌లో ఉండనుందట. ఈ ఫోన్‌ను 6 జీబీ ర్యామ్‌, 64 జీబీ స్టోరేజ్‌ వేరియంట్‌ తో తీసుకొస్తున్నారు. ఇక మైక్రో ఎస్‌డీ కార్డు ద్వారా ఇంటర్నల్ స్టోరేజీని 1 టీబీ వరకు పెంచుకోవచ్చట. ఇందులో పంచ్‌ హోల్‌ డిజైన్‌ డిస్‌ప్లేను కూడా ఇ్వవనున్నారు. ఇకపోతే ఈ ఫోన్ కెమెరా విషయానికొస్తే.. ఇందులో 13 మెగా పిక్సెల్స్‌తో కూడిన రెయిర్‌ కెమెరాను కూడా అందిస్తున్నారు. ఈ కెమెరా PDAF టెక్నాలజీకి సపోర్ట్‌ చేస్తుంది. 90 హెచ్‌జెడ్‌ రిఫ్రెష్‌ రేట్‌కు సపోర్ట్‌ చేసే స్క్రీన్‌ ఈ ఫోన్ సొంతం. కాగా ఈ ఫోన్ బ్యాటరీ విషయానికొస్తే.. ఇందులో 15 వాట్స్‌ ఫాస్ట్‌ ఛార్జింగ్‌ కు సపోర్ట్‌ చేసే 5000 ఎమ్‌ఏహెచ్‌ బ్యాటరీని కూడా అందించారు. అలాగే ఈ ఫోన్‌ ను గ్లిట్టరీ వైట్, లైమ్ గ్రీన్, స్టార్‌ ట్రైల్ బ్లాక్ వంటి కలర్స్‌ లో తీసుకొస్తున్నారు.