వలసదారుల వాహనంపై కాల్పులు : ఆరుగురు మృతి

మెక్సికోలో  ఓ వాహనంపై సైనికులు కాల్పులు జరపడంతో ఆరుగురు వలసదారులు మరణించారు. గ్వాటెమాల సరిహద్దుకు ఉత్తరాన 25 మైళ్ల (40 కి.మీ) దూరంలో మంగళవారం సాయంత్రం జరిగిన ఈ ఘటనలో మరో 10 మంది వలసదారులు గాయపడ్డారని మెక్సికన్ రక్షణ మంత్రిత్వ శాఖ తెలిపింది. వలసదారుల పికప్ వాహనం అధిక వేగంతో ప్రయాణిస్తున్నట్లు మిలిటరీ పెట్రోలింగ్ గమనించారని తెలిపింది. ఆపకుండా వెళ్లిపోవడానికి ప్రయత్నం చేసిందని మంత్రిత్వ శాఖ తెలిపింది. పేలుళ్లు వినిపించడంతో ఇద్దరు అధికారులు కాల్పులు జరిపారని సైనికులు నివేదించారు. విచారణ జరుగుతున్నప్పుడు వారిని విధుల నుండి తొలగించినట్లు ప్రకటనలో పేర్కొంది.