జూన్‌ 27న వివో T3 లైట్‌ స్మార్ట్‌ఫోన్ విడుదల !

వివో వై58 5జీ స్మార్ట్‌ఫోన్‌ విడుదల అయింది. అయితే వివో నుంచి మరో స్మార్ట్‌ఫోన్ త్వరలో విడుదల కానుంది. ఇందుకు సంబంధించిన వివో సంస్థ ప్రకటన చేసింది. దేశీయ మార్కెట్‌లో వివో T సిరీస్‌ హ్యాండ్‌సెట్‌ల విస్తరణలో భాగంగా వివో T3 లైట్‌ స్మార్ట్‌ఫోన్ జూన్‌ 27న దేశీయ మార్కెట్‌లో విడుదల కానుంది. ఈ హ్యాండ్‌సెట్ మెరుగైన పనితీరు కనబరుస్తుందని సంస్థ తెలిపింది. వివో T3 లైట్‌ స్మార్ట్‌ఫోన్‌కు సంబంధించిన ఫోటోను సంస్థ షేర్‌ చేసింది. దీని ఆధారంగా ఈ హ్యాండ్‌సెట్‌ స్లాబ్‌ తరహా డిజైన్‌ను కలిగి ఉంది. మరియు ఫ్లాట్‌ స్క్రీన్‌తో రానుంది. ఈ హ్యాండ్‌సెట్‌ 5G సపోర్టుతో రెండు రంగుల్లో లభిస్తుంది. గ్రీన్‌ మరియు బ్లాక్‌ రంగుల్లో కొనుగోలు చేయవచ్చు. దీంతోపాటు ఈ స్మార్ట్‌ఫోన్‌ దీర్ఘచతురస్రాకార కెమెరా మాడ్యుల్‌తో డ్యూయల్‌ కెమెరాను కలిగి ఉంటుంది. అయితే కొన్ని లీక్‌ల ఆధారంగా 50MP AI ప్రధాన కెమెరా సహా 2MP కెమెరాలను కలిగి ఉండే అవకాశం ఉంది.  వివో T3 లైట్‌ స్మార్ట్‌ఫోన్‌ మీడియాటెక్‌ డైమెన్సిటీ 6300 చిప్‌సెట్‌ పైన పనిచేసే అవకాశం ఉంది. ఈ హ్యాండ్‌సెట్ 120Hz రీఫ్రెష్‌ రేట్‌తో LCD డిస్‌ప్లేను కలిగి ఉంటుందని తెలుస్తోంది.