మహిళల కోసం ప్రత్యేకంగా ACwO FwIT Play స్మార్ట్ వాచ్ !

ఇండియన్ ఫుట్ బాల్ కెప్టెన్ సునీల్ ఛత్రి సొంత బ్రాండైన ACwO నుండి ACwO FwIT Play స్మార్ట్ వాచ్ విడుదలైంది. మహిళల కోసం ప్రత్యేకంగా ఈ స్మార్ట్ వాచ్ లాంచ్ చేశారు. ఈ స్మార్ట్ వాచ్ ను మహిళలకు అవసరమైన అన్ని ఫీచర్లతో స్మార్ట్ ఫోన్ ను తీసుకొచ్చినట్లు కంపెనీ తెలిపింది. దీని ధర రు. 3,499. అత్యవసర సమయంలో అవసరమైన SOS ఫీచర్ తో ఈ స్మార్ట్ వాచ్ ని అందించింది. ఒక్క టచ్ తో ఎమర్జెన్సీ కాల్ మొదలుకొని పెద్దగా సైరన్ మోగించడం వంటి పనులు ఇది చేస్తుంది. 24/7 హార్ట్ రేట్ మోనిటరింగ్, బ్లడ్ ఆక్సిజన్ మోనిటరింగ్ మరియు ఫిమేల్ హెల్త్ సైకిల్ వరకు అన్ని పనులు ఇది నిర్వహిస్తుంది. ఈ స్మార్ట్ వాచ్ 100+ స్పోర్ట్స్ మోడ్స్ మరియు వాచ్ ఫేస్ లతో వస్తుంది. ఈ స్మార్ట్ వాచ్ ను ఆడవారికి తగిన డిజైన్ తో పాటుగా నోటిఫికేషన్ ఫీచర్స్ తో కూడా తీసుకు వచ్చినట్లు కంపెనీ తెలిపింది. స్మార్ట్ వాచ్ పెద్ద 1.75 ఇంచ్ ఆల్వేస్ ఆన్ Luxury AMOLED డిస్ప్లే కలిగి ఉంది.