మార్కెట్లోకి బోట్ కొత్త స్మార్ట్ వాచ్ బోట్‌వేవ్‌ సిగ్మ 3 పేరుతో తీసుకొచ్చారు. నావిగేషన్ ఫీచర్‌ను ఇందులో మరింత సులభతరం చేశారు. ఈ వాచ్‌ను యాక్టివ్‌ బ్లాక్‌, మెటల్‌ బ్యాలక్‌, మెటల్‌ గ్రే, కూల్‌ గ్రే, చెర్రీ బ్లూజుమ్‌, రస్టిక్‌ రోస్‌, బ్రీజ్‌ వంటి కలర్స్‌లో అందుబాటులోకి తీసుకొచ్చారు. ఈ వాచ్ ధరను రూ. 1199గా నిర్ణయించారు. బోట్ అధికారిక వెబ్‌సైట్‌తో పాటు అమెజాన్‌, ఫ్లిప్‌కార్ట్‌, మింత్రా వంటి ఈ కామర్స్‌ సైట్స్‌లో కూడా అందుబాటులో ఉన్నాయి. ఇందులో 2.01 ఇంచెస్‌తో కూడిన డిస్‌ప్లేను అందించారు. 550 నిట్స్‌ హెచ్‌డీ రిజల్యూషన్‌ ఈ స్క్రీన్‌ సొంతం. దీంతో సన్‌లైట్‌లో కూడా వాచ్ స్క్రీన్‌ను స్పష్టంగా చూడొచ్చు. మాప్‌మై ఇండియా ఇందులో నావిగేషన్ సిస్టమ్‌ను అందిస్తోంది. ఇన్‌బిల్ట్‌గా క్యూఆర్‌ కోడ్‌ ట్రేను అందించారు. దీంతో మీకు అవసరమైన క్యూఆర్‌ కోడ్స్‌ను సేవ్ చేసుకోవచ్చు. దీంతో టికెట్‌ స్కానింగ్, పేమెంట్‌ కోడ్‌ వంటి స్కానింగ్‌లు సులభంగా చేసుకోవచ్చు. ఈ స్మార్ట్ వాచ్ బ్లూటూత్‌ కాలింగ్‌కు సపోర్ట్ చేస్తుంది. డయల్‌ ప్యాడ్, కాంటాక్ట్‌ లిస్ట్‌ను అందించారు. అలాగే ఈ వాచ్‌ను ఐపీ67 వాటర్‌ రెసిస్టెంట్‌తో రూపొందించారు. దీంతో వాటర్‌, చెమట నుంచి రక్షణ పొందొచ్చు. ఇక వాచ్‌ను ఒక్కసారి ఛార్జ్‌ చేస్తే వారం రోజుల పాటు పనిచేస్తుందని కంపెనీ చెబుతోంది.
0 Comments