నెట్ఫ్లిక్స్ అమెరికా,బ్రిటన్, ఫ్రాన్స్లలో సబ్స్క్రిప్షన్ ప్లాన్ల ధరలను పెంచింది. మార్కెట్లో ఆదాయాన్ని పెంచడానికి కంపెనీ ఈ నిర్ణయం తీసుకుంది. ఈ నిర్ణయం తర్వాత నెట్ఫ్లిక్స్ షేర్లు కూడా 7 శాతం పెరిగాయి. ఇది దాదాపు $369.89కి పెరిగింది. అమెరికాలో ప్రీమియం యాడ్-ఫ్రీ ప్లాన్ ధర నెలకు $3 పెరిగి $22.99కి చేరుకుంది. ఈ ప్లాన్లో ఒకే సమయంలో నాలుగు స్ట్రీమ్ల సౌకర్యం అందుబాటులో ఉంది. అదే సమయంలో One Stream Basic US ప్లాన్ ధర కూడా నెలకు $3 పెరిగింది. ప్లాన్ కొత్త ధర $11.99కి పెరిగింది.మూడవ త్రైమాసిక ఆదాయ నివేదికలో ధరల పెరుగుదలను ప్రకటించింది. కంపెనీ దాదాపు 9 మిలియన్లు అంటే 90 లక్షల మందిని కొత్త కస్టమర్లుగా చేర్చుకున్నట్లు ఈ నివేదిక వెల్లడించింది. ప్రపంచవ్యాప్తంగా కంపెనీకి కొత్త కస్టమర్ల సంఖ్య పెరిగింది. దీంతో కంపెనీ తన ఆదాయాన్ని రూ.8.542 బిలియన్లుగా చూపించింది. నెట్ఫ్లిక్స్ నాల్గవ త్రైమాసిక ఆదాయాన్ని $8.69 బిలియన్లుగా నివేదించింది. మీడియా నివేదికల ప్రకారం.. కంపెనీ తన ఆదాయాన్ని పెంచుకోవడానికి నిరంతరం ప్రయత్నిస్తోంది. ఎందుకంటే ఇది అమెరికాలోని వాల్ట్ డిస్నీ, వార్నర్ బ్రదర్స్. డిస్కవరీ, ఇతర సంస్థల నుండి పోటీని ఎదుర్కొంటోంది. బ్రిటన్లో ప్రాథమిక నెట్ఫ్లిక్స్ ప్లాన్ ధర £1 నుండి £7కి పెరిగింది. అదే సమయంలో ఫ్రాన్స్లో ప్రాథమిక సబ్స్క్రిప్షన్ ప్లాన్ ధర 2- 10.99 యూరోలు పెరిగింది. ప్రకటనలతో కూడిన చౌక టైర్ను కూడా కంపెనీ విడుదల చేసింది. దీనితో పాటు నెట్ఫ్లిక్స్ పాస్వర్డ్ను షేర్ చేసే వారిని కూడా చెల్లింపు చేయమని కోరింది.
No comments:
Post a Comment