ホーム / PCC Chief YS Sharmila Demands /

జీవోలను హైకోర్టు మరోసారి కొట్టివేసినందుకు చంద్రబాబు నైతిక బాధ్యత వహించాలి : పీసీసీ ఛీఫ్ వైఎస్ షర్మిల డిమాండ్

Thursday, October 1, 2026

Andhra Pradesh Chandrababu Must Accept Moral Responsibility for High Court Striking Down the GOs PCC Chief YS Sharmila Demands

t f B! P L

బీసీ రిజర్వేషన్లపై అన్నీ తెలిసినా కమిషన్లు, రిపోర్టులు, జీవోల పేరుతో రాజకీయ డ్రామాలు చంద్రబాబు ఆడారంటూ పీసీసీ ఛీఫ్ వైఎస్ షర్మిల ఆరోపించారు. రిజర్వేషన్ల పెంపు అని గత వైసీపీ ప్రభుత్వం జీఓ 176 ఇచ్చి బీసీలను మోసం చేస్తే, న్యాయం చేస్తామని నమ్మబలికి, జీఓలు 105, 1065 ఇచ్చి చంద్రబాబు సైతం చేసింది నమ్మకద్రోహం అని షర్మిల ఆరోపించారు. స్థానిక సంస్థల ఎన్నికల వేళ బీసీలకు చంద్రబాబు పొడిచింది వెన్నుపోటు అన్నారు. ఎన్నికల్లో లబ్ధి కోసం రిజర్వేషన్ల పెంపు పేరిట వేసింది కపట నాటకాలన్నారు. హైకోర్టులో రిజర్వేషన్ల పెంపుపై జీవోలు మరోసారి కొట్టివేసినందుకు చంద్రబాబు నైతిక బాధ్యత వహించాలన్నారు. అమలు కానీ హామీ ఇచ్చినందుకు బీసీలకు బహిరంగ క్షమాపణలు చెప్పాలన్నారు. బీసీలకు నిజంగా 34 శాతం రిజర్వేషన్లు అమలు చేయాలని చిత్తశుద్ధి ఉంటే, కేంద్రంలో ఉన్నది మీ అనుబంధ బీజేపీ ప్రభుత్వమే కాబట్టి, వారిని ఒప్పించి చట్టాలు చేయాలన్నారు. కాలయాపన రాజకీయాలకు స్వస్థి పలికి, రిజర్వేషన్లకు చట్టబద్ధత కల్పించాలని షర్మిల డిమాండ్ చేశారు. కనీసం సర్వోన్నత న్యాయస్థానంలోనైనా సరైన వాదనలు వినిపించాలని చంద్రబాబుకు ఆమె సూచించారు. బీసీలకు ఇచ్చిన 34 శాతం రిజర్వేషన్ల అమలు జరిగేలా చూడాలని, ఆంధ్రప్రదేశ్ కాంగ్రెస్ పార్టీ పక్షాన కూటమి ప్రభుత్వాన్ని డిమాండ్ చేస్తున్నట్లు షర్మిల తెలిపారు. బీసీ రిజర్వేషన్లపై హైకోర్టు తీర్పు నేపథ్యంలో ఏపీలో విపక్షాలు చంద్రబాబు సర్కార్ ను టార్గెట్ చేశాయి. దీంతో గతంలో రిజర్వేషన్ల పెంపుపై అసెంబ్లీలో గొప్పలు చెప్పుకున్న ప్రభుత్వం కాస్తా ఇప్పుడు ఇరుకునపడింది. బీసీ రిజర్వేషన్లను జగన్ అడ్డుకున్నారంటూ చంద్రబాబు హైకోర్టు తీర్పు తర్వాత ఆరోపిస్తున్నారు.

Random Post

    Total Pageviews

    Search This Blog

    Contact Form

    No Thumbnail

    LATEST NEWS AP TO TG
    LATEST NEWS AP TO TG

    #Tech

    LATEST NEWS AP TO TG

    Tech

    #Smartphone

    LATEST NEWS AP TO TG

    Smartphone

    Categories

    Main Tags

    Translate

    Featured Posts

    {getFeatured} $label={recent} $region={Andhra Pradesh}

    #Advertisement

    8/related/default

    QooQ