ホーム / police also conducted searches at two properties in the capital /

ఇంగ్లాండ్‌లోని అమెరికా నిర్వహణలో ఉన్న సైనిక వైమానిక స్థావరంపై ఉగ్రదాడి కుట్ర : ఇరాన్-బ్రిటన్ ద్వంద్వ పౌరుడి అరెస్ట్

الجمعة، 2 أكتوبر 2026

international Iranian-British Dual National Arrested Plot to Attack US-Operated Airbase in England police also conducted searches at two properties in the capital

t f B! P L

ఇంగ్లాండ్‌లోని అమెరికా నిర్వహణలో ఉన్న సైనిక వైమానిక స్థావరం వద్ద చోటుచేసుకున్న భద్రతా ఘటనకు సంబంధించి పోలీసులు  ఇరాన్‌-బ్రిటన్‌ ద్వంద్వ పౌరుడిని అరెస్టు చేశారు. ఉగ్రదాడికి కుట్ర పన్నినట్లు అనుమానిస్తూ 25 ఏళ్ల వ్యక్తిని అదుపులోకి తీసుకున్నారు. ఈ ఘటనకు ఇరాన్‌తో సంబంధం ఉన్నట్లు బ్రిటన్‌ అధికారులు చెబుతున్నారు.గురువారం సెంట్రల్‌ లండన్‌లో అతడిని అరెస్టు చేసినట్లు కౌంటర్‌ టెర్రరిజం పోలీసింగ్‌ తెలిపింది. రాజధానిలోని రెండు ఇళ్లలోనూ పోలీసులు సోదాలు నిర్వహించారు. ఆదివారం తెల్లవారుజామున లండన్‌కు చెందిన 20 ఏళ్ల వయసులో ఉన్న ఐదుగురు బ్రిటన్‌ పౌరులను కూడా పోలీసులు అరెస్టు చేశారు. ఆర్ఏఎఫ్ ఫెయిర్‌ఫోర్డ్‌ వైమానిక స్థావరం సమీపంలో పేలుడు పదార్థాలు, ఉగ్రవాదానికి సంబంధించిన నేరాలకు పాల్పడేందుకు ప్రయత్నించారన్న అనుమానంతో వారిని అదుపులోకి తీసుకున్నారు. ఈ ఐదుగురినీ ఆ తర్వాత బెయిల్‌పై విడుదల చేశారు.స్థావరం చుట్టుపక్కల నివసించే పలువురు ప్రజలను ఇళ్ల నుంచి ఖాళీ చేయించారు. సాయుధ పోలీసులు, సైన్యానికి చెందిన బాంబు నిర్వీర్య నిపుణులు గ్రామీణ ప్రాంతానికి చేరుకుని తనిఖీలు చేపట్టారు. ఐదుగురు అనుమానితులకు చెందిన మూడు వ్యాన్లలో పెట్రోల్‌ ఉన్నట్లు పోలీసులు గుర్తించారు. అయితే పేలుడు పదార్థాలు మాత్రం లభించలేదని చెప్పారు.కౌంటర్‌ టెర్రరిజం పోలీసింగ్‌ సీనియర్‌ జాతీయ సమన్వయకర్త విక్కీ ఎవాన్స్‌ మాట్లాడుతూ దర్యాప్తు "చాలా సంక్లిష్టంగా ఉంది. మా ప్రత్యేక బృందాలు పలు కోణాల్లో విచారణ సాగిస్తున్నాయి" అని చెప్పారు."మేం స్పష్టం చేసినట్లే అన్ని కోణాలను పరిశీలిస్తున్నాం. ఇందులో విదేశీ ప్రభుత్వ ప్రమేయం ఉందా అన్నదీ చూస్తున్నాం" అని ఆమె తెలిపారు.బ్రిటన్‌ ప్రధానమంత్రి ఆండీ బర్న్‌హామ్‌ మాట్లాడుతూ ఈ ఘటనలో ఇరాన్‌ పాత్ర ఉందనే "బలమైన సంకేతాలు" తమకు ఉన్నాయని చెప్పారు. అయితే అనుమానితులు ఏం చేయాలని భావించారు, ఇరాన్‌ ప్రమేయం ఉందని బ్రిటన్‌ ఎందుకు భావిస్తోందన్న వివరాలను ఆయన వెల్లడించలేదు. ఇరాన్‌ మాత్రం ఈ ఘటనతో తమకు సంబంధం లేదని స్పష్టం చేసింది. తమ భూభాగంపై దాడులకు ఉపయోగించే ఏ సైనిక స్థావరమైనా చట్టబద్ధమైన లక్ష్యమేనని గతంలో చెప్పింది.లండన్‌కు 100 మైళ్లు (160 కిలోమీటర్లు) పశ్చిమాన ఆర్ఏఎఫ్ ఫెయిర్‌ఫోర్డ్‌ ఉంది. మధ్యప్రాచ్యంలో దశాబ్దాలుగా సాగిన పలు యుద్ధాల్లో అమెరికా బాంబర్లు ఈ స్థావరాన్ని ఉపయోగించాయి. ఈ ఏడాది ఇరాన్‌తో జరిగిన యుద్ధంలోనూ దీన్ని వినియోగించారు ఐదుగురు అనుమానితులను బెయిల్‌పై విడుదల చేయడంపై అమెరికా ఉన్నతాధికారులు అభ్యంతరం వ్యక్తం చేశారు. 

Random Post

    إجمالي مرات مشاهدة الصفحة

    بحث هذه المدونة الإلكترونية

    نموذج الاتصال

    No Thumbnail

    LATEST NEWS AP TO TG
    LATEST NEWS AP TO TG

    #Tech

    LATEST NEWS AP TO TG

    Tech

    #Smartphone

    LATEST NEWS AP TO TG

    Smartphone

    Categories

    Main Tags

    Translate

    Featured Posts

    {getFeatured} $label={recent} $region={Andhra Pradesh}

    #Advertisement

    8/related/default

    QooQ