అలాగే ఇండియన్‌ సెయిలర్లు మెరిశారు. మెన్స్‌ స్కిఫ్‌ విభాగంలో మను ఫ్రాన్సిస్‌-ప్రిన్స్‌ కురిసింకల్‌ నోబుల్‌ రజత పతకం కైవసం చేసుకుంది. మొత్తం 9 రేసుల తర్వాత ఇండియన్‌ జోడీ 23 పాయింట్లుసాధించారు. వెన్‌ జైడింగ్‌-లియు టియాన్‌తో కూడిన చైనా 16 పాయింట్లతో స్వర్ణాన్ని గెలుచుకుంది. స్కిఫ్‌ సెయిలింగ్‌లో పాయింట్లు ప్రతి రేసులో ముగింపు స్థానం (ఫినిష్‌ పొజిషన్‌) ఆధారంగా నిర్ణయిస్తారు. తొలి స్థానంలో నిలిస్తే మొత్తం స్కోరులో ఒక్క పాయింట్‌ లభిస్తుంది. ఈ పోటీలో ఇండియన్స్‌ రేస్‌-3లో విజయం సాధించగా, రేస్‌-1, 5, 9లో రెండో స్థానంతో సరిపెట్టుకున్నారు. ఫ్రాన్సిస్‌-ప్రిన్స్‌ ముంబైలోని ఆర్మీ యాచింగ్‌ నోడ్‌లో శిక్షణ పొందారు. విమెన్స్‌ స్కిఫ్‌లో హర్షిత తోమర్‌-శీతల్‌ వర్మ బృందం కాంస్యాన్ని గెలుచుకుంది. 9 రేసుల తర్వాత హర్షిత-శీతల్‌ 24 నెట్‌ పాయింట్లతో కలిపి 28 పాయింట్లు సాధించారు. రేస్‌-2, 6, 8లో మూడుసార్లు అనర్హతకు గురైన చైనా కంటే ఇండియన్స్‌ మెరుగైన ప్లేస్‌లో నిలిచారు. జపాన్‌ (14), హాంకాంగ్‌ (18) వరుసగా స్వర్ణం, సిల్వర్‌ కైవసం చేసుకుంది.
ليست هناك تعليقات:
إرسال تعليق