అమరావతి ప్రాంతంతో పాటు రాష్ట్ర తీరప్రాంత కనెక్టివిటీని మెరుగుపరిచే బీచ్ రోడ్డు ప్రాజెక్టుపైనా ముఖ్యమంత్రి కేంద్ర మంత్రి దృష్టికి తీసుకెళ్లారు. రాష్ట్రంలోని తీరప్రాంత నగరాలు, పర్యాటక ప్రాంతాలు, పోర్టులు, పారిశ్రామిక కేంద్రాల మధ్య మెరుగైన అనుసంధానం ఏర్పడేందుకు బీచ్ రోడ్డు ప్రాజెక్టు దోహదపడుతుందని తెలిపారు. తీరప్రాంత అభివృద్ధికి ఈ ప్రాజెక్టు కీలకంగా మారుతుందని, దీనిపై కేంద్రం నుంచి అవసరమైన సహకారం అందించాలని కోరారు. ఇదే సమయంలో పోలవరం ప్రాజెక్టు వద్ద ప్రత్యేకమైన ఐకానిక్ బ్రిడ్జి నిర్మాణానికి సహకరించాలని సీఎం చంద్రబాబు కేంద్ర మంత్రి నితిన్ గడ్కరీని కోరారు. పోలవరం ప్రాజెక్టు వద్ద ఎడమ, కుడి గట్లను అనుసంధానించేలా ఈ వంతెనను నిర్మించేందుకు సహకరించాలని విజ్ఞప్తి చేశారు. ప్రాజెక్టుకు అనుబంధంగా అవసరమైన రహదారులు, వంతెనల నిర్మాణానికి కూడా కేంద్రం సహకారం అందించాలని కోరారు. రాష్ట్రంలో చేపడుతున్న కీలక మౌలిక వసతుల ప్రాజెక్టులకు కేంద్ర సహకారం లభిస్తే ఆంధ్రప్రదేశ్‌లో రహదారి, రవాణా కనెక్టివిటీ మరింత బలోపేతమవుతుందని సీఎం వివరించారు. రాజధాని అమరావతి అభివృద్ధితో పాటు రాష్ట్రంలోని వివిధ ప్రాంతాలను అనుసంధానించే మౌలిక వసతులపై ప్రభుత్వం ప్రత్యేక దృష్టి సారిస్తోందని తెలిపారు. కేంద్ర మంత్రి నితిన్ గడ్కరీతో జరిగిన భేటీలో రాష్ట్రానికి సంబంధించిన పలు రహదారి, మౌలిక వసతుల అంశాలను సీఎం ప్రస్తావించారు. అమరావతి ఓఆర్ఆర్, బీచ్ రోడ్డు, పోలవరం వద్ద ఐకానిక్ బ్రిడ్జి వంటి ప్రాజెక్టులకు కేంద్ర స్థాయిలో అవసరమైన సహకారం అందించాలని కోరారు. రాష్ట్ర అభివృద్ధి, మెరుగైన రవాణా వ్యవస్థ, పెట్టుబడులు మరియు పారిశ్రామిక కార్యకలాపాలకు బలమైన కనెక్టివిటీ అవసరమని సీఎం పేర్కొన్నారు.
No comments:
Post a Comment