సౌదీలోని దమ్మామ్ అంతర్జాతీయ విమానాశ్రయంపై హూతీల క్షిపణి దాడులు : పాకిస్తాన్ జాతీయుడు మృతి, మరో 11 మంది గాయాలు

సౌదీ అరేబియాపై హూతీ రెబల్స్‌ దాడులు కొనసాగుతున్నాయి. తాజాగా దమ్మామ్‌లోని కింగ్ ఫహాద్ అంతర్జాతీయ విమానాశ్రయంపై క్షిపణి దాడి జరిగినట్లు సమాచారం. మరోవైపు, రియాద్‌లోని కింగ్ ఖలీద్ అంతర్జాతీయ విమానాశ్రయంపై కూడా దాడి జరిగినట్లు సౌదీ ప్రభుత్వం వెల్లడించింది. ఈ ఘటనలో ఒక పాకిస్థాన్ జాతీయుడు మరణించగా, మరో 11 మంది గాయపడినట్లు తెలిపింది. సౌదీకి చెందిన కీలక విమానాశ్రయాలు, ఇంధన కేంద్రాలపై వరుస దాడులు జరగడం ప్రాంతీయ భద్రతపై ఆందోళనలను పెంచుతోంది. సౌదీ అరేబియాలోని తూర్పు ప్రాంతంలో ఉన్న దమ్మామ్ నగరం కీలక వాణిజ్య, పారిశ్రామిక కేంద్రంగా ఉంది. ఇక్కడ ఉన్న కింగ్ ఫహాద్ అంతర్జాతీయ విమానాశ్రయం దేశంలోని ముఖ్యమైన విమానయాన కేంద్రాల్లో ఒకటి. తాజాగా ఈ విమానాశ్రయాన్ని లక్ష్యంగా చేసుకుని అర్ధరాత్రి సమయంలో క్షిపణి దాడి జరిగినట్లు సమాచారం. ఈ దాడికి సంబంధించి విమానాశ్రయానికి జరిగిన నష్టం, ప్రయాణికులపై పడిన ప్రభావం, విమాన సర్వీసులకు అంతరాయం కలిగిందా లేదా అనే వివరాలు ఇంకా స్పష్టంగా తెలియాల్సి ఉంది. విమానాశ్రయాలు వంటి కీలక మౌలిక సదుపాయాలపై దాడులు జరగడం వల్ల విమానయాన భద్రతపై ఆందోళనలు నెలకొంటున్నాయి.